telugu navyamedia
సినిమా వార్తలు

ఆగ‌స్ట్ 30న “గ్యాంగ్ లీడర్” వచ్చేస్తున్నాడు

Gang-Leader

నేచుర‌ల్ స్టార్ నాని హీరోగా విక్ర‌మ్ కుమార్ ద‌ర్శ‌క‌త్వంలో త‌న 24వ చిత్రం చేస్తున్నాడు. ఈ చిత్రానికి “గ్యాంగ్ లీడర్” అనే టైటిల్ ను ప్రకటించిన విషయం తెలిసిందే. ఈ చిత్రాన్ని ఆగ‌స్ట్ 30న ప్రపంచ వ్యాప్తంగా విడుద‌ల చేయ‌నున్న‌ట్టు తాజాగా టీం ప్ర‌క‌టించింది. “గ్యాంగ్ లీడ‌ర్” చిత్రంలో ఆర్ఎక్స్ 100 హీరో కార్తికేయ విలన్ పాత్ర‌లో క‌నిపించ‌నున్నాడు. ప్రియాంక‌, ల‌క్ష్మీ , శ‌ర‌ణ్య‌, అనీష్ కురువిళ్ళా, ప్రియ‌ద‌ర్శి, ర‌ఘుబాబు, వెన్నెల కిషోర్, జైజా, స‌త్య త‌దిద‌రులు ముఖ్య పాత్ర‌లు పోషిస్తున్నారు. ఇందులో అయిదుగురు అమ్మాయిలు దొంగ‌లుగా ఉంటారని, వారికి నాయ‌కుడిగా నాని ఉంటారని వార్తలు విన్పిస్తున్నాయి. అనిరుధ్ ర‌విచంద్ర‌న్ సంగీతం అందిస్తున్నారు. మెగాస్టార్ చిరంజీవి న‌టించిన గ్యాంగ్ లీడ‌ర్ చిత్రం ఎంత పెద్ద బ్లాక్ బ‌స్ట‌ర్ అయిందో ప్ర‌త్యేకంగా చెప్ప‌న‌క్క‌ర్లేదు. మ‌రోవైపు నాని, ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో ఓ చిత్రం చేస్తున్న విష‌యం తెలిసిందే. ఈ చిత్రంలో సుధీర్ బాబు కూడా ముఖ్య పాత్ర పోషిస్తున్నాడు.

Related posts