telugu navyamedia
సినిమా వార్తలు

“మజిలీ” విడుదలకు ముందే లాభాలు

majili movie first look

నాగచైతన్య, సమంత జంటగా నటిస్తున్న చిత్రం మజిలీ. దేర్ ఈజ్ లవ్ దేర్ ఈజ్ పెయిన్ ఉపశీర్షిక. షైన్ స్క్రీన్ పతాకంపై సాహు గారపాటి, హరీష్‌పెద్ది ఈ చిత్రాన్ని నిర్మిస్తున్నారు. శివ నిర్వాణ దర్శకుడు. దివ్యాంశ కౌశిక్ మరో కథానాయికగా నటిస్తున్నది. వైజాగ్ నేపథ్యంలో రొమాంటిక్ ఎంటర్‌టైనర్‌గా ఈ చిత్రం తెరకెక్కుతుంది. ప్రేమికుల దినోత్సవం సందర్భంగా విడుదలైన ఈ చిత్రం టీజర్ ప్రేక్షకుల్లో ఆసక్తిని రేకెత్తించింది. ఇప్పుడు సినిమా బిజినెస్ కూడా ఓ రేంజ్ లో జరుగుతుందని తెలుస్తోంది. ఇటీవల సినిమా నుంచి విడుదలైన రెండు సింగిల్స్ కూడా ప్రేక్షకులను బాగా ఆకట్టుకోవడంతో సినిమాపై అంచనాలు ఏర్పడ్డాయి. అందుకు తగ్గట్టుగానే ప్రీ రిలీజ్ బిజినెస్ జరిగింది. శాటిలైట్, డిజిటల్, హిందీ డబ్బింగ్ రైట్స్ ద్వారా దాదాపు రూ.15 కోట్ల రూపాయలు వచ్చినట్లు తెలుస్తోంది. విడుదలకు ముందే లాభాలు రావడంతో నిర్మాతలు ఆనందంగా ఉన్నట్లు సమాచారం. ఇక సినిమాకు పాజిటివ్ టాక్ వస్తే చైతన్యకు హిట్ పడినట్లే.

“మజిలీ” చిత్రం పెళ్లి తర్వాత ప్రేమలో పడే ఓ జంట కథ. నాగచైతన్య, సమంత పాత్రలు, వారి కెమిస్ట్రీ సినిమాకు ప్రధాన ఆకర్షణగా నిలుస్తాయి. ఏప్రిల్ 5న ప్రపంచవ్యాప్తంగా సినిమాను విడుదల చేయనున్నారు. రావు రమేష్, సుబ్బరాజు, పోసాని కృష్ణమురళి ప్రధాన పాత్రల్లో నటిస్తున్న ఈ చిత్రానికి గోపీసుందర్ సంగీతం అందిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది.

Related posts