ప్రముఖ నటుడు మోహన్ బాబు కు ఏపీ ప్రభుత్వం ఏదో విలువైన పదవే ఇస్తుంది అంటూ తెగ ప్రచారాలు సాగుతూనే ఉన్నాయి, తాజాగా, ఏపీ ఫిలిండెవలప్‌మెంట్ కార్పోరేషన్ ఛైర్మన్‌గా తనను నియమించినట్లు వస్తున్న వార్తలను ఆయన తోసిపుచ్చారు. ఎఫ్‌డీసీ ఛైర్మన్‌గా మోహన్‌బాబును నియమించారన్న వార్తల్లో నిజం లేదని, అలాంటిది ఏదైనా ఉంటే అధికారికంగా వెల్లడిస్తామని ఆయన పీఆర్‌ టీం వెల్లడించింది. ఇలాంటి వార్తలను నమ్మకండి అంటూ వారు పేర్కొన్నారు.
ఏపీ సీఎం జగన్ నామినేటెడ్ పదవులకు గ్రీన్ సిగ్నల్ ఇచ్చారని.. ఈ నేపథ్యంలో ఎఫ్‌డీసీ ఛైర్మన్‌గా మోహన్ బాబును నియమించనున్నారని ఇటీవల వార్తలు వచ్చిన విషయం తెలిసిందే. అయితే గతంలోనూ మోహన్ బాబుకు టీటీడీ చైర్మన్‌ పదవి ఇవ్వబోతున్నట్లు వార్తలు వచ్చాయి. వాటిని ఖండించిన ఈ నటుడు.. జగన్ గెలుపు కోసం తన వంతు ప్రయత్నం చేశానే తప్ప.. తాను ఎలాంటి పదవి ఆశించలేదని సోషల్ మీడియాలో స్పష్టం చేసిన విషయం తెలిసిందే.
అసెంబ్లీ, సెక్రటేరియట్ నిర్మాణాలపై లోక్ సభలో ప్రస్తావిస్తా: ఉత్తమ్