ప్రముఖ నటి మంజరి ఫడ్నిస్ తెలుగులో అల్లరి నరేష్‌కు జోడీగా ‘సిద్ధు ఫ్రం శ్రీకాకుళం’, ‘శుభప్రదం’ సినిమాల్లో నటించారు. యంగ్ టైగర్ ఎన్టీఆర్ నటించిన ‘శక్తి’ సినిమాలో తారక్‌కు తల్లి పాత్రలో నటించారు. అయితే ఆమెకు తెలుగులో పెద్దగా కలిసిరాలేదని చెప్పాలి. తాజాగా ఈ బ్యూటీ తాను ఎదుర్కొన్న ఇబ్బందికర సంఘటన గురించి మీడియాతో పంచుకున్నారు. “15 ఏళ్లుగా సినీ పరిశ్రమలో ఉన్నాను. ఇంత సుదీర్ఘ కెరీర్ ఉన్నప్పటికీ నేను చేసిన సినిమాల కంటే పోగొట్టుకున్న సినిమాలే ఎక్కువగా ఉన్నాయి. ఇందుకు కారణం ఫలానా డైరెక్టర్‌కో, ప్రొడ్యూసర్‌కో లొంగకపోవడం. అందుకే తక్కువ బడ్జెట్‌తో తెరకెక్కించిన సినిమాల్లో మాత్రమే నటించేదాన్ని. కానీ అవి బాక్సాఫీస్ వద్ద ఫెయిల్ అయ్యేవి. ఈ ఘటనల వల్ల చాలా కాలంగా డిప్రెషన్‌లో ఉండిపోయాను. ఇలాంటి క్యాస్టింగ్ కౌచ్ ఘటనలు చిత్ర పరిశ్రమలో చాలా ఎక్కువ. అయితే వాటిని ఒప్పుకోవాలని ఎవ్వరూ బలవంతం చేయరు. నా ఆత్మాభిమానాన్ని పోగొట్టుకోలేక ఎందరో పెద్ద నిర్మాతల సినిమాలకు నో చెప్పాను. కొన్నిసార్లు సినిమాలకు సంతకం చేసేశాక కోరికలు తీర్చమని అడిగేవారు. దాంతో నేను తీసుకున్న డబ్బు వెనక్కి ఇచ్చేసి సినిమాల నుంచి నేనే తప్పుకునేదాన్ని. ఓసారి దక్షిణాది నిర్మాత నుంచి నాకు పిలుపు వచ్చింది. భారీ బడ్జెట్ సినిమాలో నాకు అవకాశం ఇస్తానన్నాడు. కానీ దాని వల్ల నాకు లాభమేంటి అని అడిగాడు. అప్పుడు అర్థమైంది మనసులో దురుద్దేశంతో నన్ను పిలిపించాడని. హీరోయిన్లు తాము ఎదుర్కొన్న లైంగిక వేధింపుల గురించి మీడియా ముందు మాట్లాడితే అన్ని నిర్మాణ సంస్థల నుంచి అవకాశాలు తగ్గిపోతాయి. ఇన్నేళ్ల నా కెరీర్‌లో నేను నటించిన ‘ఇంటర్‌డిపెండన్స్’ సినిమా ఒక్కటే అంతర్జాతీయ ఫిలిం ఫెస్టివల్‌కు వెళ్లింది. ప్రపంచవ్యాప్తంగా 11 మంది దర్శకులు తెరకెక్కించిన షార్ట్ ఫిలింస్‌ ఈ ఒక్క సినిమాలో కనిపిస్తాయి” అని తెలిపారు మంజరి.
కోరిక తీర్చలేదని సినిమాల నుంచి తప్పించారు… మరో హీరోయిన్ ఆవేదన
అందుకే ఆర్ఆర్ఆర్ కోసం ఆ హీరోను తీసుకున్నా… రాజమౌళి