మంచు మనోజ్ సొంతంగా ఎంఎం ఆర్ట్స్ అనే నిర్మాణ సంస్థను స్థాపించి తొలి చిత్రం ‘అహం బ్రహ్మాస్మి’ని నిర్మిస్తున్నట్టు ఇటీవల ప్రకటించారు. ఇప్పుడు ఈ చిత్ర ఫస్ట్ లుక్‌ను విడుదల చేశారు. మూడు డిఫరెంట్ ఎక్స్‌ప్రెషన్స్‌తో మనోజ్ లుక్ అదిరిపోయింది. ఈ ఫస్ట్ లుక్‌ను మంచు మనోజ్ ట్విట్టర్ ద్వారా అభిమానులతో పంచుకున్నారు. ‘‘స్క్రీన్ మీద నా కొన్నేళ్ల విరామం తరవాత గట్టిగా అరవడానికి వస్తున్నాను. ఈ క్రైమ్, కామెడీ, యాక్షన్ ప్యాక్ట్ ఫిల్మ్‌తో కచ్చితంగా మీకు కొన్ని గూస్‌బంప్స్ ఇస్తా’’ అని ట్వీట్‌లో పేర్కొన్నారు. పోస్టర్‌లో మనోజ్ మూడు రకాల హావభావాలు.. హాస్యం, రౌద్రం, శాంతం ప్రదర్శిస్తున్నారు. ‘అహం బ్రహ్మాస్మి’ అనే టైటిల్‌కు అద్దం పట్టే విధంగా ఆ లుక్స్ ఉన్నాయి. ఈ సినిమాను మార్చి 6న గ్రాండ్‌గా లాంచ్ చేయబోతున్నారు. శ్రీకాంత్ ఎన్. రెడ్డి దర్శకత్వం వహిస్తోన్న ‘అహం బ్రహ్మాస్మి’ని తెలుగుతో పాటు తమిళ, కన్నడ, మలయాళం, హిందీ భాషల్లో పాన్ ఇండియా మూవీగా నిర్మిస్తున్నారు.
పవన్ రక్తం అంటూ నెటిజన్ కామెంట్… రేణూ దేశాయ్ ఘాటు స్పందన