కన్నుగీటుతో కుర్రకారు మనసులను దోచుకున్న నటి ప్రియా వారియర్. ఆమె నటించిన ‘ఒరు ఆదార్ లవ్’ అనే మలయాళ సినిమాలో హీరోను చూసి ఆమె కన్నుగీటిన తీర… అందరి దృష్టిని ఆ సినిమా వైపుకు తిప్పింది. తెలుగులోనూ ప్రియా వారియర్ పెద్ద సంఖ్యలో అభిమానులను సంపాదించుకోగలిగింది. వాళ్లంతా కూడా ఈ సినిమా తెలుగులోకి ఎప్పుడు వస్తుందా అని ఎంతో ఆసక్తితో ఎదురుచూస్తున్నారు. ఒమర్ లులూ దర్శకత్వం వహించిన ఈ సినిమాను తెలుగులోను విడుదల చేస్తున్నారు. ‘లవర్స్ డే’ అనే టైటిల్ తో ఈ సినిమాను ఫిబ్రవరి 14వ తేదీన విడుదల చేయనున్నారు. గురురాజ్, వినోద్ రెడ్డి నిర్మించిన ఈ సినిమాకి షాన్ రెహ్మాన్ సంగీతాన్ని సమకూర్చాడు.
ఈ సినిమా తెలుగు ఆడియో వేడుకను హైదరాబాద్ లో ఈ నెల 23న బుధవారం సాయంత్రం 6 గంటలకు జెఆర్సీ కన్వెన్షన్లో నిర్వహించాలని ప్లాన్ చేశారు. ఈ వేడుకకి అల్లు అర్జున్ ముఖ్య అతిథిగా హాజరు కానున్నాడు. ప్రియా క్రేజ్, అల్లు అర్జున్ ఈ సినిమా వేడుకకు ముఖ్య అతిథిగా హాజరు కావడం… సినిమాపై ప్రేక్షకుల్లో అంచనాలను పెంచేస్తోంది. మరి తెలుగులో ఈ సినిమా సంచలనానికి తెరతీస్తుందా అనేది చూడాలి.
Internet Sensation @PriyaPVarier‘s #LoversDay Audio launch on Jan 23
Guest of honor – Stylish Star @alluarjun
Produced By #AGururaj #CHVinodReddy on @SBCinemasoffl Banner
Directed By @OmarLulu2
Audio on @mangomusiclabel#AAForLoversDayAudioLaunch #LoversdayOnFeb14 pic.twitter.com/JMqXSOY0T2— BARaju (@baraju_SuperHit) January 20, 2019