హైదరాబాద్ ఉప్పల్ లిటిల్ ఫ్లవర్ కాలేజీ చౌరస్తాలో ఘోర రోడ్డు ప్రమాదం జరిగింది. స్కూల్ విద్యార్థులతో వెళ్తున్న ఆటోను ఇసుక లారీ ఢీకొట్టింది. ఈ ప్రమాదంలో ఇద్దరు విద్యార్థులు మృతి చెందగా..ఆరుగురికి గాయాలయ్యాయి. మరో ముగ్గురు క్షేమంగా ఉన్నారు. హబ్సిగూడ భాష్యం స్కూల్ చెందిన విద్యార్థులు ఆటోలో వెళ్తుండగా ప్రమాదం జరిగింది. గాయాలైన విద్యార్థులను వెంటనే సికింద్రాబాద్ ఆస్పత్రికి తరలించారు.
ఈ ప్రమాదంలో విద్యార్థుల టిఫిన్ బాక్సులు, షూలు చెప్పులు చెల్లాచెదురుగా ఎగిరిపడ్డాయి. విద్యార్థుల తల్లిదండ్రుల రోదనలు మిన్నంటాయి. ప్రమాదంతో హప్సిగూడ రహదారిలోని లిటిల్ ఫ్లవర్ కళాశాల వద్ద విషాద వాతావరణం నెలకొంది. ఈ ఘటన జరిగిన వెంటనే ఇసుక లారీ డ్రైవర్ లారీని వదిలి పెట్టి పరారయ్యాడు. సంఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
వ్యవస్థలను నిర్వీర్యం చేయడంలో చంద్రబాబు దిట్ట: దగ్గుబాటి