“లక్ష్మీస్ ఎన్టీఆర్”కు హైకోర్టులో చుక్కెదురు

సంచలన దర్శకుడు రామ్ గోపాల్ వర్మ దర్శకత్వంలో రూపొందిన “లక్ష్మీస్ ఎన్టీఆర్” ఎన్నో అడ్డంకులను ఎదుర్కొని మే 29న తెలంగాణాలో విడుదలై ప్రేక్షకుల నుంచి మంచి స్పందనను పొందింది. ఆంధ్రప్రదేశ్ లో మాత్రం సినిమా విడుదలపై కోర్టు స్టే విధించింది. ఈ నేపథ్యంలోనే చిత్రం విడుదలకు సంబంధించి పిటిషన్ ఈరోజు ఏపీ హైకోర్టులో విచారణకు వచ్చింది. సుప్రీంకోర్టులో పిటిషన్ పెండింగ్ లో ఉన్నందువల్ల దీనిపై ఇప్పటికిప్పుడే విచారణ జరపలేమని తెలిపింది. ఈ సినిమా ప్రివ్యూని కూడా ఇప్పుడు చూడలేమని స్పష్టం చేసింది. తదుపరి విచారణను ఈనెల 9వ తేదీకి వాయిదా వేస్తున్నట్లుగా కోర్టు స్పష్టం చేసింది. దీంతో ఏపీలో ఈ చిత్ర విడుదలకు మళ్లీ బ్రేక్ పడింది. ఈరోజు సినిమా రిలీజ్ విషయంలో ఓ నిర్ణయం వ్యక్తమవుతుందని ఆశించిన చిత్ర నిర్మాత రాకేశ్ రెడ్డికి చుక్కెదురైంది. దీంతో సినిమా విడుదలపై ఉత్కంఠ కొనసాగుతోంది. మరోపక్క సినిమా విడుదల కాకపోవడంతో తమకు నష్టాలు వచ్చాయని డిస్ట్రిబ్యూటర్లు హైకోర్టులో కేసు వేయడానికి సిద్ధమవుతున్నారని తెలుస్తోంది.