కన్నడ చిత్రం “కేజీఎఫ్” కన్నడ సహా విడుదలైన అన్ని భాషల్లో భారీ ఓపెనింగ్స్ రాబట్టి ఆ సినిమా హీరో యశ్ కు విపరీతమైన గుర్తింపు తెచ్చిపెట్టింది. హిందీలోనూ కేజీఎఫ్ కు ప్రేక్షకాదరణ లభించింది. ఈ నేపథ్యంలో, కేజీఎఫ్ కు సీక్వెల్ గా “కేజీఎఫ్ చాప్టర్-2” చిత్రాన్ని తెరకెక్కిస్తున్న సంగతి తెలిసిందే. యశ్, శ్రీనిధి శెట్టి జంటగా ప్రశాంత్ నీల్ దర్శకత్వంలో వస్తున్న ఈ చిత్రంపై భారీ అంచనాలే ఉన్నాయి. ఈ చిత్రంలో సంజయ్ దత్, రవీనా టాండన్ కీలకపాత్రలు పోషిస్తున్నారు. ఫ‌స్ట్ పార్ట్ బ్లాక్బాస్టర్ విజయం సాధించడం వల్ల రెండో భాగంపై భారీ క్రేజ్ నెలకొంది. ఈ క్రమంలో ‘కేజీఎఫ్ ఛాప్టర్ 2’కు సంబంధించిన డిజిటల్ హక్కులను రూ.55 కోట్లతో అమెజాన్ ప్రైమ్ కొనుగోలు చేసిన‌ట్లు స‌మాచారం. ‘బాహుబలి సిరీస్ తర్వాత హ్యూజ్ ఇంపాక్ట్ క్రియేట్ చేసిన పాన్ ఇండియా చిత్రం ‘కేజీఎఫ్. అందుకే అంత రేటు పెట్టి దక్షిణాది భాషలతో పాటు హిందీలోనూ ఈ సినిమా ఆన్లైన్ హక్కులను అమెజాన్ సొంతం చేసుకున్నట్లు తెలుస్తోంది. ఇప్పటికే ఈ సినిమా మొదటి భాగం డిజిటల్ హక్కులను కొనుగోలు చేసిన అమెజాన్.. రెండో భాగాన్నీ ద‌క్కించుకోవ‌డం విశేషం.
రికార్డు ధరకు అమ్ముడైన “కేజీఎఫ్-2” రైట్స్
