telugu navyamedia
news telugu cinema news trending

ఇండియన్‌ 2 లో .. తనపాత్ర గురించి .. కాజల్..

Kajal-Agarwal

నటి కాజల్‌ అగర్వాల్‌ ఇండియన్‌ 2 చిత్రంలో తన పాత్ర గురించి వివరాలు బహిర్గతం చేశారు. ఈ చిత్రానికి సంబంధించిన ఏ విషయాన్నీ దర్శకుడు శంకర్‌ బయట పెట్టరాదని కండిషన్‌ పెట్టారని చెబుతూనే తన పాత్ర గురించి స్పష్టంగా చెప్పేశారు. దక్షిణాదిలో అగ్ర నటిగా వెలిగిన కాజల్‌కు ప్రస్తుతం అవకాశాలు తగ్గుముఖం పట్టాయి. అయితే తెలుగు, హిందీ, తమిళ భాషల్లో ఒక్కో చిత్రం చేస్తున్న ఈ బ్యూటీ ఎంతో ఆశలు పెట్టుకున్న చిత్రం ఇండియన్‌-2. కారణం కమలహాసన్‌తో తొలిసారిగా జత కట్టడం. దీన్ని స్టార్‌ దర్శకుడు శంకర్‌ తెరకెక్కించడం. ఈ చిత్రంలో ఎప్పుడెప్పుడు నటిద్దామా.. అని ఎదురు చూసిన కాజల్‌ ఇటీవల ఆ చిత్ర షూటింగ్‌లో పాల్గొన్నారు. ఆ అనుభవాలను చెబుతూ ఇండియన్‌-2 చిత్రం విడుదలైన తరువాత తన ఇమేజ్‌ వేరే లెవల్‌కు చేరుతుందనే నమ్మకాన్ని వ్యక్తం చేశారు. ఈ చిత్రంలో నటించాలని దర్శకుడు శంకర్‌ తనను సంప్రదించినప్పుడు ఎలాంటి పాత్రను ఇస్తారోనని బయపడినట్లు తెలిపారు. ఆ తరువాత ఇండియన్‌-2 చిత్రంలో తన పాత్ర 85 ఏళ్ల బామ్మదని తెలిసిందని పేర్కొన్నారు.

ఈ పాత్రకు తాను న్యాయం చేయగలనా? అన్న సందేహం కలిగిందని ఇప్పుడా సందేహం పటాపంచలు అయిపోయిందని కాజల్ చెప్పారు. కారణం ఇండియన్‌-2 చిత్రంలో కమలహాసన్‌ పోషిస్తున్న పాత్ర తరువాత అంతగా చెప్పుకోదగ్గ పాత్ర తనదేనని తెలిసిందన్నారు. అందుకే ఈ పాత్ర కోసం చాలా ప్రత్యేక శ్రద్ధ పెట్టి నటిస్తున్నట్లు చెప్పారు. ఈ పాత్రకు మేకప్‌ కోసమే అనేక గంటలు పడుతోందని అంది. దానిపై అంతగా శ్రద్ధ చూపడానికి కారణం అంత ప్రాముఖ్యత కలిగిన పాత్ర అని పేర్కొన్నారు. చిత్ర షూటింగ్‌ తదుపరి షెడ్యూల్‌ పిబ్రవరిలో మొదలవుతుందని అన్నారు. ఈ చిత్రం గురించి ఇంకేమీ బయటకు చెప్పరాదన్నది దర్శకుడు శంకర్‌ నిబంధన అని చెప్పింది. కాబట్టి ఇప్పటికి ఈ చిత్రం గురించి ఏమీ చెప్పలేనని కాజల్‌ పేర్కొంది. అన్నట్టు ఈ బ్యూటీకి మరో అవకాశం తలుపు తట్టిందన్నది తాజా సమాచారం. మలయాళ యువ నటుడు దుల్కర్‌ సల్మాన్‌తో జత కట్టడానికి సిద్ధమవుతోందని టాక్‌. తమిళం, మలయాళం భాషల్లో ఈ చిత్రం తెరకెక్కనుందని తెలిసింది.

Related posts

రెండు కోట్ల మందికి రేషన్‌ సౌకర్యం: మంత్రి గంగుల

vimala p

తెలంగాణ ఇంటర్ ఫలితాలపై హైకోర్టులో పిటిషన్

vimala p

విజయశాంతి ‘కర్తవ్యం’ అరుదైన గుర్తింపు

vimala p