మాజీ కెప్టెన్ ఇంజమామ్ ఉల్ హక్ పాక్ క్రికెట్ జట్టు చీఫ్ సెలక్టర్ పదవి నుండి తప్పుకున్నారు. బోర్డు ఆదేశిస్తే తాను కొత్త బాధ్యతలు స్వీకరించేందుకు సిద్ధమని, సెలక్టర్ గా మాత్రం ఉండనని ఆయన తేల్చి చెప్పారు. వాస్తవానికి ఈ నెల 30తో ఇంజమామ్ పదవీ కాలం పూర్తికానుంది. ఇటీవలి లండన్ వరల్డ్ కప్ లో పాకిస్థాన్ సెమీఫైనల్ చేరలేక పోయిన సంగతి తెలిసిందే. ఆటగాళ్ల సెలక్షన్ లో లోపాల కారణంగానే జట్టు అమరిక కుదరలేదన్న విమర్శలు కూడా వచ్చాయి.
అందుకే ఇంజమామ్ ఈ నిర్ణయం తీసుకున్నట్టు తెలుస్తోంది. నెలాఖరు తరువాత ఇంజమామ్ ఒప్పందాన్ని పొడిగించేందుకు బోర్డు సుముఖంగా ఉన్నప్పటికీ, ఆయన మాత్రం అందుకు అంగీకరించకుండా, పదవి నుంచి వైదొలగాలన్న నిర్ణయానికే కట్టుబడివుంటానని ప్రకటించారు.