telugu navyamedia
ట్రెండింగ్ సినిమా వార్తలు

‘టక్ జగదీష్’లో నానికి మరో వింత డిజార్డర్ ?

Nani

నాని ప్రస్తుతం ‘టక్ జగదీష్’ సినిమాలో నటిస్తోన్న సంగతి తెలిసిందే. ‘నిన్ను కోరి’, ‘మజిలీ’ చిత్రాల ద్వారా మంచి గుర్తింపు తెచ్చుకున్న శివ నిర్వాణ.. ‘టక్ జగదీష్’ చిత్రానికి దర్శకత్వం వహిస్తున్నారు. నాని సరసన ‘పెళ్ళి చూపులు’ ఫేమ్ రీతూ వర్మ హీరోయిన్‌గా కనిపించనున్నారు. ఈ చిత్రానికి తమన్ సంగీతం సమకూరుస్తున్నారు. షైన్ స్రీన్స్ పతాకంపై సాహు గారపాటి, హరీష్ పెద్ది సంయుక్తంగా ఈ చిత్రాన్ని నిర్మిస్తున్నారు. కరోనా మహమ్మారి కారణంగా ఈ సినిమా షూటింగ్ తాత్కాలికంగా ఆగిపోయింది. మళ్లీ సాధారణ పరిస్థితులు రాగానే షూటింగ్ తిరిగి ప్రారంభమవుతుంది. ఇదిలా ఉంటే, ఈ సినిమాలో నాని పాత్రకు సంబంధించి ఆసక్తికర అప్‌డేట్ ఒకటి బయటికి వచ్చింది. ఈ సినిమాలో నాని ఒక వింత డిజార్డర్‌తో బాధపడుతూ ఉంటారట. ఇప్పటి వరకు ఆయన చేసిన పాత్రలకు పూర్తి భిన్నంగా ఉంటుందని అంటున్నారు. బైపోలార్ డిజార్డర్ అనే వింత జబ్బు నానికి ఉంటుందట. సంతోషం వస్తే ఎక్కువ ఎక్సయిట్‌మెంట్‌కి లోనవటం, అలాగే బాధొచ్చినపుడు డిప్రెషన్‌కి గురికావడం ఈ జబ్బు లక్షణాలు. అయితే ఇందులో నిజమెంతో తెలియాల్సి ఉంది.

Related posts