పశ్చిమ బెంగాల్ లో ఓ కలెక్టర్ రెచ్చిపోయాడు. అతని భార్యపై ఫేస్ ప్రొఫైల్‌పై అనుచిత వ్యాఖ్యలు చేశాడంటూ ఓ యువకుడిని పోలీస్‌స్టేషన్‌లో చితకబాదాడు. అలీపూర్‌దౌర్ జిల్లా మెజిస్ట్రేట్‌గా ఉన్న ఐఏఎస్ ఆఫీసర్ నిఖిల్ నిర్మల్, అతని భార్య ఇద్దరూ కలిసి ఆ వ్యక్తిపై చేయి చేసుకున్నారు. ఎటువంటి ఫిర్యాదూ చేయకుండానే విచారణ పేరిట యువకుడిని చిత్ర హింసలు పెట్టారు. ఫలకటా పోలీస్ స్టేషన్‌లో సీఐ సౌమ్యజిత్ రే ఎదురుగానే కలెక్టర్ ఆ యువకుడిని కొట్టడం విశేషం.
కలెక్టర్ భార్య ఫేస్‌బుక్ ప్రొఫైల్‌పై ఏవో కామెంట్స్ చేశాడన్న కారణంతో యువకుడిని పోలీసు స్టేషన్‌కు తీసుకొచ్చారు. అక్కడికి వెళ్లిన కలెక్టర్, అతని భార్య అతన్ని దారుణంగా కొట్టారు. నీ ఇంట్లోకి వచ్చి మరీ చంపుతా అని కలెక్టర్ ఆ యువకుడిని బెదిరించాడు. ఈ పని చేయమని నీకు ఎవరు చెప్పారో చెప్పాలంటూ అతని భార్య కూడా యువకుడిని మందలించింది. దీనికి సంబంధించిన వీడియో ఇప్పుడు సోషల్ మీడియాలో వైరల్‌గా మారిపోయింది. దీంతో కలెక్టర్ పై విమర్శలు వెల్లువెత్తుతున్నాయి.
See how Bengal IAS officer, Nikhil Nirmal, district magistrate of Alipurduar district take law in his own hands. He & his wife beat up a youth for making lewd comments on his wife’s Facebook profile. Incident unfolds inside the police station & infront IC of Police @dna @ZeeNews pic.twitter.com/iRCO7SnRa6
— Pooja Mehta (@pooja_zeenews) January 6, 2019