ఇల్లు కొనుక్కోవాలన్నది ప్రతి ఒక్కరి కల. అయితే పెరుగుతున్న రేట్ల దృష్ట్యా ఇల్లు కట్టాలన్న.. కొనుక్కోవాలన్నా అందరికి సాధ్యం కానీ పని. ఎక్కడికక్కడే డెవలప్‌మెంట్ జరుగుతూ భారీ రేట్లు పెరుగుతూ వస్తున్నాయి. ఇప్పుడు ఈ బాధలు పడాల్సిన అవసరం లేదు. ఎందుకంటే దాదాపు రూ.80కే సొంత ఇంటి కల మనం నెరవేర్చుకోవచ్చు. అయితే అది మన దేశంలో కాదండోయ్.. ఇటలీలో ఈ సరికొత్త పథకం అమలులోకి వచ్చింది. అక్కడ ఇల్లు కొనాలంటే.. కేవలం ఒక్క యూరో మాత్రమే చెల్లిస్తే చాలు. అది మన భారత కరెన్సీలో దాదాపుగా రూ.80. ఆ దేశంలో ఉన్న సిసిలీ ద్వీపంలోని సంబూకా అనే గ్రామం ఈ ‘ఒక్క యూరోకే ఇల్లు పథకం’ ప్రకటించింది. నగరాలకు, విదేశాలకు ఉద్యోగుల వేటలో పడి ప్రజలు వలస వెళ్లిపోతుండటంతో యూరోప్‌లోని చిన్న చిన్న ప్రాంతాలన్నీ ఖాళీ అవుతున్నాయి.
ప్రస్తుతం సంబూకా గ్రామం కూడా ఇదే సమస్యను ఎదుర్కుంటోంది. ఆ గ్రామంలో ఇప్పుడు సుమారు 5,800 మాత్రమే జనాభా ఉన్నారు. దీంతో ఆ గ్రామపాలక సంస్థ ‘ఒక్క యూరోకే ఇల్లు’ అనే పథకాన్ని ప్రారంభించింది. విదేశాలకు వలస వెళ్ళిపోయిన వారి ఇండ్లు పాతపడిపోయి.. శిథిలావస్థకు చేరుకోవడంతో.. వాటిని యజమానులు దగ్గర నుంచి కొనుగోలు చేసి.. ఈ పథకం కింద అమ్మాలని నిర్ణయించారు. ప్రపంచంలో ఎక్కడివారైనా ఇక్కడ ఇల్లు కొనుక్కుని నివసించవచ్చని.. అయితే కొన్నవారు మాత్రం మూడేళ్లలోగా ఆ ఇళ్లను మరమ్మతులు చేయించుకోవాలని షరతు పెట్టారు. ఇక వాటికి భారీగా ఖర్చు అయ్యే అవకాశం ఉన్నా.. చాలామంది ఈ పథకానికి ఆకర్షితులై అక్కడ ఇళ్ళను కొనుగోలు చేశారట. చూశారా ఇలాంటి పథకం మన దగ్గర కూడా అమలవుతే ఎంత బాగుంటుందో కదా!
కమల్‌ అనుచిత వ్యాఖ్యల పై కేసు నమోదు