మెగాస్టార్ చిరంజీవి, అతిలోక సుందరి శ్రీదేవి హీరోహీరోయిన్లుగా దర్శకేంద్రుడు కె.రాఘవేంద్రరావు దర్శకత్వంలో తెరకెక్కిన సూపర్ హిట్ మూవీ ‘జగదేక వీరుడు అతిలోక సుందరి’. వైజయంతీ మూవీస్ బ్యానర్పై సి.అశ్వనీదత్ ఈ సినిమాను నిర్మించారు. 1990లో విడుదలైన ఈ చిత్రం మే 9తో 30 సంవత్సరాలు పూర్తి చేసుకోబోతోంది. ఈ విషయాన్ని గుర్తుచేస్తూ వైజయంతీ మూవీస్ ఇప్పటికే ఒక వీడియోను విడుదల చేసింది. నాని వాయిస్ ఓవర్తో రూపొందించిన ఆ వీడియో ఇప్పటికే సోషల్ మీడియా ట్రెండ్ అవుతోంది. తాజాగా చిరంజీవి తన అభిప్రాయాన్ని ట్విట్టర్ ద్వారా అభిమానులతో పంచుకున్నారు.
Magic can not be planned. It just happens! When Magic happens on celluloid, it leaves lasting memories and ever lasting happiness! #JagadekaVeeruduAthilokaSundari @VyjayanthiFilms @Ragavendraraoba #Sridevi #Ilaiyaraaja @SwapnaDuttCh #JVAS30Years https://t.co/WgPnZbQ0gt pic.twitter.com/1LoDDn43sB
— Chiranjeevi Konidela (@KChiruTweets) May 7, 2020
‘‘జగదేక వీరుడు అతిలోక సుందరి చిత్రం వచ్చి 30 సంవత్సరాలు పూర్తికావస్తోన్న ఈ శుభ తరుణంలో ఆ సినిమాతో సంబంధం, అనుబంధం ఉన్న ప్రతి ఒక్కరికి నా హృదయపూర్వక శుభాభివందనాలు తెలియజేస్తున్నాను. సినిమా అనేది సమిష్టి కృషి ఫలితం అని అనడానికి సరైన ఉదాహరణ ఈ సినిమా. ప్రతి టెక్నీషియన్, నటీనటులు, వాళ్ల వాళ్ల ప్రతిభను కనబరుస్తూ ఈ సినిమా ఇంత అద్భుతంగా రావడానికి, క్లాసిక్ కావడానికి కారణమయ్యారు. తెలుగు సినీ పరిశ్రమలో టాప్ 25 మూవీస్లో చోటు దక్కించుకునేంత గొప్ప చిత్రం ‘జగదేక వీరుడు అతిలోక సుందరి’ అని చిరంజీవి అభిప్రాయపడ్డారు. ఈ సినిమాకు జనరేషన్ గ్యాప్ లేదని అన్నారు. ఇది పాత తరం సినిమా, కొత్త తరం సినిమా అని చెప్పే అవకాశమే లేదని తెలిపారు. ఆ తరం ఈ తరం అనే తేడా లేని ఎవర్ గ్రీన్ క్లాసిక్ సినిమా ఇదని చిరంజీవి గర్వంగా చెప్పారు. ఇలాంటి సినిమాలో నటించే అవకాశం దక్కడం తన నట జీవితంలో దక్కిన గొప్ప అదృష్టంగా తాను భావిస్తున్నానని వెల్లడించారు.
3 decades, 3 stories, 1 voice. How did it all start? Here’s the story behind a film that created history.@KChiruTweets @Ragavendraraoba #Sridevi #Ilaiyaraaja@VyjayanthiFilmshttps://t.co/4DTJ709ZA6#VintageVyjayanthi
— Vyjayanthi Movies (@VyjayanthiFilms) May 5, 2020