నోయెల్ ప్రధాన పాత్రలో రాయల్ పిక్చర్స్ పతాకంపై సుబ్బారావు రాయన, శివకృష్ణ నిచ్చెనమెట్ల నిర్మిస్తోన్న చిత్రం ‘14’. లక్ష్మీ శ్రీనివాస్ దర్శకత్వం వహిస్తున్నారు. ఈ చిత్రంలో రతన్, విశాఖ హీరో హీరోయిన్లుగా నటిస్తున్నారు. పోసాని కృష్ణమురళి, శ్రీకాంత్ ఆచార్య, మహేష్ కీలకపాత్రలు పోషిస్తున్నారు. ఫిబ్రవరి 14న వాలంటైన్స్ డే కానుకగా ఈ చిత్రం ఫస్ట్ లుక్ మోషన్ పోస్టర్‌ని బిగ్ బాస్ విన్నర్ రాహుల్ సిప్లిగంజ్ విడుదల చేశారు. పోస్టర్ ఆవిష్కరణ అనంతరం రాహుల్ సిప్లిగంజ్ మాట్లాడుతూ.. “ఈ మోషన్ పోస్టర్ చాలా కొత్తగా ప్రేక్షకులను ఆలోచింపజేసేలా ఉంది. ఈ పోస్టర్ లాగే సినిమా కూడా ప్రేక్షకులను ఆకట్టుకునేలా ఉంటుంది అనుకుంటున్నాను. నోయల్‌కి ‘కుమారి 21ఎఫ్’ సినిమా కన్నా ఎక్కువ పేరు రావాలని ఆశిస్తున్నాను. టీమ్ అంద‌రికీ నా బెస్ట్ విషెస్‌’’ అని అన్నారు.
ఈ పోస్టర్ కాస్త వైవిధ్యంగానే ఉన్నా అశ్లీలత స్పష్టంగా కనిపిస్తోంది. బెడ్‌పై అమ్మాయి లోదుస్తులను ఉంచి పక్కనే సినిమా టైటిల్ ‘14’ని ఉంచారు. అలాగే, వాలంటైన్స్ డేకు సింబల్‌గా గులాబీ పువ్వును కూడా పెట్టారు. ఆ పక్కనే గిటార్, మరో పక్కన స్టెతస్కోప్ కూడా ఉంది.