టాలీవుడ్ సినీ నటిహేమ అంబేద్కర్ ఓపెన్ యూనివర్సిటీ అర్హత పరీక్ష రాశారు. డిగ్రీ కోర్సుల్లో ప్రవేశం కొరకు అంబేద్కర్ సార్వత్రిక విశ్వవిద్యాలయం నోటిఫికేషన్ ఇవ్వగా ఆమె కూడా దరఖాస్తు చేసుకున్నారు.
ఈ రోజు అర్హత పరీక్ష నిర్వహించగా హేమ కూడా హాజరయ్యారు. హేమకు నల్గొండ ఎన్జీ కాలేజీలో సెంటర్ కేటాయించారు. ఇతరు విద్యార్థుల్లాగానే హేమ కూడా తనకు కేటాయించిన కేంద్రానికి వచ్చి పరీక్ష రాశారు.
ఈ సందర్భంగా ఆమె మాట్లాడుతూ, డిగ్రీ పూర్తి చేయాలని ఎప్పటినుంచో అనుకుంటున్నాననితెలిపారు. అయితే హైదరాబాదులో తన ఫేమ్ దృష్ట్యా ఇబ్బంది ఉంటుందని భావించి నల్గొండలో పరీక్ష రాసినట్టు తెలిపారు. ఇక్కడ తనకు బంధువులు కూడా ఉన్నారని వెల్లడించారు.