బెల్లంకొండ శ్రీనివాస్ “అల్లుడు శీను” చిత్రంతో హీరోగా వెండితెరకు పరిచయం అయ్యాడు. మొదటి సినిమాతో మంచి మార్కులు కొట్టేసిన శ్రీనివాస్ కమర్షియల్ హీరోగా పేరు తెచ్చుకోవడానికి కెరీర్ మొదట్నుంచీ ప్రయత్నిస్తూనే ఉన్నాడు. ఇటీవల “కవచం” సినిమాతో ప్రేక్షకుల ముందుకు వచ్చాడు. అయితే ఈ సినిమా డిజాస్టర్ టాక్ ను సొంతం చేసుకుంది. కాజల్, మెహ్రీన్ ల గ్లామర్ కూడా సినిమాను కాపాడలేకపోయింది. ప్రస్తుతం బెల్లంకొండ శ్రీనివాస్ తేజ దర్శకత్వంలో తెరకెక్కుతున్న “సీత” చిత్రంలో నటిస్తున్నాడు. ఈ చిత్రంలో కూడా కాజల్ తోనే జతకడుతున్నాడు ఈ యువహీరో. ప్రస్తుతం ఈ చిత్రం చిత్రీకరణ ముగింపు దశకు చేరుకుంది.
ఈరోజు బెల్లంకొండ శ్రీనివాస్ పుట్టినరోజు సందర్భంగా ఆయన నటించబోయే కొత్త చిత్రాన్ని అధికారికంగా ప్రకటించారు. రమేష్ వర్మ దర్శకత్వం వహిస్తున్న ఈ సినిమాకు కోనేరు సత్యనారాయణ, కోనేరు హవీష్ లక్ష్మణ్ నిర్మాతలుగా వ్యవహరిస్తున్నారు. ఈ సినిమాలో బెల్లంకొండ శ్రీనివాస్ సరికొత్త లుక్ లో కన్పించనున్నాడని అంటున్నారు. హీరోయిన్ కోసం అన్వేషిస్తున్నారు. త్వరలోనే సెట్స్ పైకి వెళ్లనున్న ఈ సినిమా అయినా బెల్లంకొండ శ్రీనివాస్ కు మంచి హిట్ ఇవ్వాలని కోరుకుందాం.