తెలంగాణ ప్రభుత్వం మరో కీలక నిర్ణయం తీసుకుంది. ఇవాళ్టి నుంచి ఉపాధ్యాయులు ఒంటి పూట విధులు హాజరు కావాలని ప్రభుత్వం ఉత్తర్వులు జారీ చేసింది. ప్రభుత్వ, ప్రైవేటు పాఠశాలల్లో ఉదయం 8 నుంచి మధ్యాహ్నం 12:30 గంటల వరకు ఉపాధ్యాయులు విధుల్లో ఉండాలని పాఠశాల డైరెక్టర్‌ శ్రీదేవసేన ఈ మేరకు వెల్లడించారు. ఉపాధ్యాయ ఎమ్మెల్సీలు, ఉన్నతాధికారులతో నిర్వహించిన సమావేశంలో తెలంగాణ ప్రభుత్వం ఈ నిర్ణయం తీసుకుంది. విద్యాసంస్థలు మూసివేసినప్పటికీ, ఉపాధ్యాయులు పాఠశాలలకు వెళ్లి ఆన్‌లైన్‌ పాఠాలు పర్యవేక్షించాలని సూచించింది ప్రభుత్వం. ప్రభుత్వం ఆదేశాలతో ఇవాళ్టి నుంచి ఉపాధ్యాయులకు ఒంటి పూట బడులు ప్రారంభం కానున్నాయి. కాగా.. ఏపీలో ఏప్రిల్‌ 1 నుంచి ఒంటిపూట బడులు ప్రారంభం అయిన విషయం తెలిసిందే.
నేటి నుంచే తెలంగాణలో టీచర్లకు ఒంటిపూట బడులు
