మెగా బ్రదర్ నాగబాబు “జబర్దస్త్ కామెడీ షోకు జడ్జిగా వ్యవహరిస్తున్న విషయం తెలిసిందే. తాజాగా నాగబాబు “నా ఇష్టం” అంటూ యూట్యూబ్ ను ప్రారంభించి, తన విమర్శలను దీనిద్వారా కొనసాగిస్తున్నారు. తాజాగా “అంతా నా ఇష్టం” అంటూ యూట్యూబ్ లో ఓ స్కిట్ ను పోస్ట్ చేశారు నాగబాబు. ఈ వీడియోలో “హలో ఫ్రెండ్స్… వెల్ కమ్ టూ “మై ఛానెల్ నా ఇష్టం”. ఈరోజు చిన్నసైజ్ స్కిట్ ఒకటి చేస్తున్నాం.
ఎందుకంటే… జబర్దస్ట్ వాళ్లం కదా… అయితే ఈ స్కిట్ కు నేను పేరు పెట్టలేదు. కంటెంట్ నాది… పేరు మీది. మీకు నచ్చిన పేరు మీరు డిసైడ్ చేసి చెప్పండి. ఐ థింక్ యు ఎంజాయ్ దిస్ స్మాల్ స్కిట్. రెడీ టూ వాచ్” అంటూ ప్రారంభించారు. “గుడ్ మార్నింగ్ స్టూడెంట్స్… ఈరోజు మీకొక పరీక్ష పెట్టబోతున్నాను. 2019లో చాలా ఇంపార్టెంట్ పరీక్ష. ఈ పరీక్షలో మీ ఇద్దరూ డిస్టింక్షన్ తెచ్చుకోవాలని నా కోరిక… మీరు కనుక డిస్టింక్షన్ తెచ్చుకుంటే మన రాష్ట్ర ప్రజలకు ఎంతో ఉపయోగం. ఈరోజు టాపిక్ ఏంటంటే “నేను – నా అవినీతి”.
దానికి సంబంధించిన డీటైల్స్ మొత్తం రాయండి” అంటూ ఈ స్కిట్ లో ఉన్న ఇద్దరు యువకులను ఉద్దేశించి చెప్పారు. అందులో ఒకరి అధికారపక్షం, ఇంకొకరు ప్రతిపక్షం… అని వారికి అతికించి ఉన్న పేర్లను బట్టి తెలుస్తోంది. ఇక వీరిద్దరూ రాయడానికి లెక్కకు మించి అడిషనల్ పేపర్లు తీసుకోవడం గమనార్హం. ఈ విధంగా నాగబాబు అధికార పక్షం, ప్రతిపక్షాలపై పరోక్షంగా సెటైర్స్ వేశారన్నమాట. మీరు కూడా ఈ వీడియోను వీక్షించండి.