ప్రముఖ నటుడు చిరంజీవి సర్జా నటిస్తోన్న ‘రణం’ సినిమా షూటింగ్ బెంగుళూరు నగరంలోని బాగాలూరులో జరుగుతోంది. ఈ క్రమంలో ప్రమాద వశాత్తు గ్యాస్ సిలిండర్ పేలడంతో తల్లీకూతుళ్లు మరణించారు. మృతులను చిన్నారి అయిషా ఖాన్(5), తల్లి సుయేరా భానుగా గుర్తించారు. వివరాల్లోకి వెళితే సుయేరా భాను తన ఐదేళ్ల చిన్నారితో కలిసి షూటింగ్ చూడడానికి వెళ్లింది. ఆ సమయంలో కారును బ్లాస్ట్ చేసే సన్నివేశాలను చిత్రీకరిస్తున్నారు. ఈ క్రమంలో అకస్మాత్తుగా సిలిండర్ పేలడంతో అక్కడే ఉన్న తల్లీకూతుళ్లు మృతి చెందారు. మరో చిన్నారికి తీవ్రగాయాలయ్యాయి.
విషయం తెలుసుకున్న పోలీసులు ఘటనా స్థలానికి చేరుకొని మృతదేహాలను ఆసుపత్రికి తరలించారు. పేలుడు జరిగిన తరువాత షూటింగ్ ఆపేసి చిత్రబృందం అక్కడ నుండి పారిపోయింది. ఈ సినిమాలో హీరోగా నటిస్తోన్న చిరంజీవి మరో సినిమా షూటింగ్ కోసం మైసూరుకి వెళ్లారు. మరో ప్రధాన పాత్ర పోషిస్తున్న చేతన్ కుమార్ విషయం తెలుసుకొని తన ఆవేదన వ్యక్తం చేశాడు. మృతుల కుటుంబాలను ఆడుకొంటామని తెలిపారు.