telugu navyamedia
telugu cinema news trending

కరోనా విరాళం… ప్రాణం తీసిన అభిమానం

rajani

లాక్‌ డౌన్‌ కష్టాలతో అలమటిస్తున్న పేదల్ని ఆదుకునేందుకు ప్రభుత్వం విరాళాల్ని సేకరించే పనిలో పడింది. సినీ రంగ ప్రముఖులు సైతం కదిలారు. అయితేకరోనా నివారణ కోసం ఇద్దరు హీరోలు ఇచ్చిన విరాళంపై అభిమానుల మధ్య జరిగిన గొడవలో ఓ యువకుడి ప్రాణం తీసింది. విల్లుపురం జిల్లా మరక్కానంకు చెందిన యువరాజ్‌ హీరో విజయ్‌ వీరాభిమాని. అతడి మిత్రుడు దినేష్‌ బాబు రజనీకాంత్‌ వీరాభిమాని. మంచి మిత్రులుగా ఉన్న ఈ ఇద్దరు హీరోల విషయంలో శత్రువులుగా మారారు. గురువారం ఇద్దరి మధ్య కరోనా విరాళం గొడవ ప్రారంభమైంది. తమ హీరో అంటే, తమ హీరో ఎక్కువ మొత్తం ఇచ్చాడని, సేవలు చేయిస్తున్నాడంటూ వాదులాటకు దిగారు. ఇంతలో ఆగ్రహంతో రెచ్చి పోయిన దినేష్‌ బాబు యువరాజ్‌‌ను గట్టిగా నెట్టేయడంతో కింద పడ్డాడు. దీంతో తలకు బలంగా దెబ్బతగలడంతో అక్కడికక్కడే మరణించాడు. ఈ ఘటనతో షాక్‌కు గురైన దినేష్‌ బాబు అక్కడి నుంచి ఉడాయించాడు. సమాచారం అందుకున్న మరక్కానం పోలీసులు కేసు నమోదు చేశారు. యువరాజ్‌‌‌ మృత దేహాన్ని పోస్టుమార్టం నిమిత్తం విల్లుపురం ఆస్పత్రికి తరలించారు. కాగా దినేష్‌కుమార్‌ను శుక్రవారం పోలీసులు అదుపులోకి తీసుకున్నారు.

Related posts

ప్రముఖ సీనియర్ నటి ఆసుపత్రి నుంచి డిశ్చార్జ్

vimala p

చిరంజీవి మెచ్చిన.. సన్మానం..

vimala p

“సరిలేరు నీకెవ్వరు”లో లుక్… రాములమ్మ ఏమంటోందంటే ?

vimala p