అమెరికాలోని మిచిగాన్కు చెందిన 32 ఏళ్ల మైకేల్ గ్లాన్స్ అనే వ్యక్తిని పోలీసులు అదుపులోకి తీసుకున్నారు. పోయిన మంగళవారం భార్యతో గొడవపడిన అతను.. చేతిలోని ఓ తుపాకీ తీసి వారి రెండేళ్ల కొడుకు తలను పేల్చేయబోయాడు. అదృష్టవశాత్తూ ఆ తుపాకీ పేలకపోవడంతో.. మైకేల్ భార్య కొడుకుని తీసుకొని బయటకు పరుగుతీసింది. కారు వెనుక సీటులో కొడుకు రైకర్ను ఉంచి, తాను ముందు సీట్లో కూర్చుంది. ఇంతో ఇంట్లో నుంచి ఓ షాట్గన్ తీసుకొని వచ్చిన మైకేల్.. దాంతో పిల్లాడి మొహంపై కాల్చిపారేశాడు. ఈ ఘటనలో పసివాడి మొహం సగం వరకూ పేలిపోయింది. తీవ్రంగా గాయపడిన పిల్లాడిని తల్లి నికోల్ ఆస్పత్రికి తరలించింది. విషయం తెలుసుకున్న పోలీసులు వెంటనే మైకేల్ను అరెస్టు చేశారు.
previous post