అసలు కంటే కొసరు ముద్దని, కొన్నిసార్లు అవసరం తిరకున్నా మేలు జరుగుతుంటుంది. అలా కొడుకు అడిగాడని తండ్రి తన మొబైల్ ఇచ్చాడు..దానితో ఆ తండ్రి అక్రమ బాగోతం తల్లికి తెలియజేశాడు ఆ కొడుకు. నగరానికి చెందిన 43 ఏళ్ల నాగరాజన్ ఓ స్వచ్ఛంద సేవా సంస్థ యజమాని. నాగరాజన్ భార్య స్థానికంగా ఓ స్కూల్లో టీచర్ గా పనిచేస్తోంది. వారికి 14 ఏళ్ల టీనేజ్ కుమారుడు ఉన్నాడు. అయితే ఒకరోజు నాగరాజన్ తన ఫోన్ ను కొడుకు అడగడంతో ఇచ్చాడు. ఫోన్లో వీడియో గేమ్స్ ఆడుతున్న ఆ కుర్రాడు పొరబాటున ఆడియో రికార్డర్ ఆన్ చేశాడు. అందులో రికార్డయిన కొన్ని ఆడియోలు ఆ టీనేజ్ బాలుడ్ని దిగ్భ్రాంతికి గురిచేశాయి.
ఆ ఆడియో లో ఉన్న సంగతుల విషయానికి వస్తే, తన తండ్రి మరో మహిళతో అత్యంత సన్నిహితంగా మాట్లాడిన మాటలు అందులో రికార్డయి ఉన్నాయి. వాట్సాప్ చాటింగ్ లోనూ కొన్ని సంభాషణలు బయటపడ్డాయి. ఈ కుర్రాడు వెంటనే వాటిని తన తల్లికి చూపించాడు. తన భర్త వివాహేతర సంబంధం పెట్టుకున్నాడని ఆ ఇల్లాలు తెలుసుకుంది. భర్తను నిలదీయడంతో, ఆమెను తీవ్రంగా కొట్టాడు. ఈ నేపథ్యంలో, ఆ స్కూల్ టీచర్ పోలీసులకు ఫిర్యాదు చేసింది. అక్రమ వ్యవహారం గురించి కుటుంబ సభ్యులకు చెబితే తీవ్ర పర్యవసానాలు ఉంటాయని బెదిరిస్తున్నాడని తన ఫిర్యాదులో పేర్కొంది. స్టేషన్ బయటే రాజీ చేసుకునేందుకు నాగరాజన్ కుటుంబ సభ్యులు ప్రయత్నాలు చేస్తున్నారు.