తూరుపు తెల్లారుతోంది
పడమటి చుక్క మునుగుతోంది
పక్షుల కీచులాటలు రాసుకుంటున్నాయి
భానుడు పగతో ఎగబాకుతున్నాడు
నామదిలో అలజడి మొదలయ్యింది
పొద్దెక్కేకొద్దీ నాగొంతుతడి ఆరిపోతోంది
చుక్క నీటి కోసం వెతుకులాట
పంటచేలు తడికోసం
కొన ప్రాణంతో కొట్టుమిట్టాడుతున్నాయి
పశువులను బాదుతున్నా
బయటకు వెళ్ళేటట్టులేవు
కొండ అంచులలో
అగ్ని దేవుడు భగభగమంటున్నాడు
గ్రామ పరిసరాలో
ఎండమావులు ఎగిసిపడుతున్నాయి
మొరపెట్టుకుందామంటే
హడావిడిలో అధికారులు
అజ్ఞాతంలో ప్రజాప్రతినిధులు
ఓట్ల వేటలో నాయకులు
విచిత్రమో వైపరీత్యమో
ఆ భగవంతుడికే తెలియాలి
నీటికోసం అలమటిస్తావుంటే
సీసాలలోని మద్యం
ఏరులై పారుతోంది
కారణమేమని చింతిస్తావుంటే
ఎన్నికల పండుగొచ్చిందట
అందుకేనేమో ఎన్నికలంటే
నాయకులకంటే మందుబాబులకే
ఊపెక్కువ.
*ముంటిమడుగు బాబ్జాన్*
9618397271
పుట్టపర్తి