బాలీవుడ్ హాట్ హీరోయిన్ దిశా పటాని తన నటనతోనే కాకుండా సోషల్‌ మీడియాలో హాట్ ఫోటోలను పోస్ట్ చేస్తూ ఎప్పుడూ అప్డేట్ గా ఉంటారు. కుర్ర హీరోయిన్ దిశా పటానీకి ఉన్న ఫ్యాన్ ఫాలోయింగే వేరు. బాలీవుడ్ నటుడు టైగర్ ష్రాఫ్‌తో దిశ డేటింగ్‌లో ఉన్నట్లు ఎప్పటినుంచో వార్తలు వెలువడుతున్నాయి. దీని గురించి పలు మీడియా వర్గాలు ప్రశ్నించగా.. వర్కవుట్ అవ్వడం లేదని చెప్పారు. దాంతో ఇక దిశ తన ఫోకస్‌ను కేవలం సినిమాలపైనే పెట్టాలని అనుకుంటున్నారు. ప్రస్తుతం ఆమె ‘మలంగ్’ సినిమాలో నటిస్తున్నారు. త్వరలో ఈ సినిమా ప్రేక్షకుల ముందుకు రాబోతోంది. అయితే దిశకు ఉన్న హాట్ ఫిగర్‌కి ఈ పాటికి లక్షల్లో ప్రపోజల్స్ వచ్చి ఉంటాయని అనుకుంటాం. కానీ అలాంటిదేమీ లేదట. ఇప్పటివరకు తనకు ఒక్క ప్రపోజల్ కూడా రాలేదని దిశ అంటున్నారు. ఈ విషయాన్ని ఆమె ఓ ఇంటర్వ్యూ లో వెల్లడించారు. “ఇప్పటివరకు నాకు ఎవ్వరూ ప్రపోజ్ చేసింది లేదు. ఎందుకంటే చిన్నప్పటి నుంచి నేను టామ్ బాయ్‌లా ఉండేదాన్ని. మా నాన్న పోలీస్. దాంతో అబ్బాయిలకు నన్ను చూడాలంటేనే భయం వేసేది. ఆ తర్వాత సినిమా కెరీర్ కోసం ముంబయి వచ్చాక అసలు ప్రైవసీ లేకుండాపోయింది. ఫ్రెండ్స్‌తో కలిసి పార్టీలకు వెళ్లలేను. ఎక్కువ మందితో కలవలేను. అలాంటప్పుడు ఇక నాకు ప్రేమలో పడే అవకాశం ఎక్కడుంటుంది. త్వరలో నాకు ఎవరో ఒకరు ప్రపోజ్ చేస్తారని అనుకుంటున్నాను. ఎందుకంటే జీవితంలో ప్రేమ లేకపోతే ఎలా? మనం బతికేదే దాని కోసం కదా. నేను ప్రేమలో పడితేనే నేనూ ఓ అమ్మాయినే అని తెలిసొస్తుంది. లేకపోతే నేను ఎప్పుడూ అబ్బాయిలా బాక్సర్స్ వేసుకుని జిమ్‌లో తెగ వర్కవుట్స్ చేస్తుంటా. ఒక అబ్బాయిని చూడగానే నాకు చెక్కిలిగింతలు కలగాలి. అప్పుడే అతనిపై నాకు ప్రేమ కలిగినట్లు. అలా జరగకపోతే అసలు ప్రేమే లేనట్లు” అని తెలిపారు.
ఈ హీరోయిన్ కు ఎవ్వరూ ప్రపోజ్ చెయ్యలేదంట…!
