telugu navyamedia
telugu cinema news trending

మెగాస్టార్ కోసం ఏకంగా కాలనీనే నిర్మిస్తున్నారట…!

Chiranjeevi

కొరటాల శివ దర్శకత్వంలో నటుడు చిరంజీవి హీరోగా స్టార్ కొణిదెల ప్రొడక్షన్ కంపెనీ, మ్యాట్నీ ఎంటర్‌టైన్‌మెంట్స్ బ్యానర్స్‌పై రామ్‌చరణ్‌, నిరంజన్ రెడ్డి నిర్మాతలుగా కొత్త చిత్రం ప్రారంభమైంది. చిరంజీవి 152వ చిత్రమది. `ఖైదీ నంబర్ 150`, `సైరా నరసింహారెడ్డి` వంటి బ్లాక్ బస్టర్ చిత్రాల తర్వాత చిరంజీవి హీరోగా.. డిఫరెంట్ కమర్షియల్ ఎంటర్‌టైనర్స్‌తో వరుస బ్లాక్ బస్టర్స్‌ను సొంతం చేసుకున్న దర్శకుడు కొరటాల శివ కాంబినేషన్‌లో రూపొందుతోన్న ఈ చిత్రానికి శ్రీకర్ ప్రసాద్ ఎడిటింగ్ బాధ్యతలు నిర్వహిస్తుండగా.. తిరు సినిమాటోగ్రఫీ అందిస్తున్నారు. సురేష్ సెల్వరాజన్ ప్రొడక్షన్ డిజైన్‌గా వ్యవహరిస్తున్నారు. కాగా… చిరంజీవి కోసం ప్రొడక్షన్‌ డిజైనర్‌ సురేశ్‌ సెల్వరాజన్‌ కొత్త ఇంటిని సిద్ధం చేస్తున్నారు. అలాగే, ఓ కాలనీని సృష్టించారు. ఈ ఇల్లు, కాలనీ కొరటాల శివ దర్శకత్వంలో నటిస్తున్న సినిమా కోసమే! చిరంజీవి కథానాయకుడిగా కొరటాల శివ దర్శకత్వంలో సినిమా ప్రారంభమైన సంగతి తెలిసిందే. ఈ సినిమా చిత్రీకరణ డిసెంబర్‌లో మొదలు కానుందని సమాచారం. ప్రస్తుతం కోకాపేట్‌లోని చిరంజీవి సొంత స్థలంలో ఇల్లు, కాలనీ సెట్స్‌ వేస్తున్నారు. హీరోయిన్‌ హౌస్‌ సెట్‌ కూడా అక్కడే వేసి, మెజారిటీ సన్నివేశాలను ఆ సెట్స్‌లో తెరకెక్కిస్తారట! అలాగే, రామోజీ ఫిల్మ్‌ సిటీలో కొంత భాగం చిత్రీకరించనున్నారు. ఈ సినిమాలో ఇద్దరు హీరోయిన్లుకు చోటుందని, త్వరలో వారిని ఎంపిక చేయనున్నారని తెలిసింది. చిరంజీవి నుండి అభిమానులు ఆశించే అంశాలు, వాణిజ్య హంగులతో పాటు మంచి సందేశం కల కథను కొరటాల సిద్ధం చేశారట! ఈ చిత్రంలో చిరంజీవి నక్సలైట్‌ పాత్రలో కనిపించనున్నారని సమాచారం. ‘సైరా నరసింహారెడ్డి’లో కొన్ని సన్నివేశాలనూ కోకాపేట్‌ సెట్‌లో తెరకెక్కించిన సంగతి తెలిసిందే.

Related posts

విజయవాడలో వై.ఎస్ విగ్రహ ఆవిష్కరణ.. టీడీపీకి ఆహ్వానం..

vimala p

టేకాఫ్ అవుతున్న విమానం… ఒక్కసారిగా రన్ వే పైకి దూసుకొచ్చిన కార్

vimala p

కేసీఆర్ కు .. బిల్లులు పంపిన.. పోలీసులు…

vimala p