మెగాస్టార్ చిరంజీవి ప్రస్తుతం తెరకెక్కస్తున్న సినిమా ‘ఆచార్య’ షూటింగ్ మొదలైన సంగతి తెలసిందే. ఈ సినిమాకు కొరటాల శివ దర్శకత్వ వహిస్తున్నాడు. ఈ సినిమా తరువాత చిరు తన తరువాతి ప్రాజెక్ట్ లూసిఫర్‌ను మొదలు చేయనున్నారని వార్తలు వచ్చాయి. మళయాళం భారీ హిట్ అయిన లూసిఫర్ సినిమాను చిరు తెలుగు రీమేక్ చేసేందుకు ఆసక్తి చూపారు. దాంతో ఆ సినిమా రీమేక్ రైట్స్‌ను రామ్ చరణ్ సొంతం చేసుకున్నాడు. అయితే ఈ సినిమా దర్శకత్వ బాధ్యతలు ఎవరి చేతికి ఇవ్వాలని ఆలోచిస్తున్నారు. దాని కోసం కొందరి పేర్లు వినిపించాయి. మొదటగా సూజీత్‌కు ఈ దర్శకత్వ బాధ్యతలను అప్పజెప్పారని, దాంతో సినిమా స్క్రిప్ట్‌లో తెలుగు నేటివిటీకి తగ్గట్టుగా సుజిత్ చేసిన మార్పులు చిరు నచ్చకపోవడంతో మరో దర్శకుడి వేటలో పడినట్లు తెలుస్తోంది. దాంతో చిరూనే రంగంలోకి అనుభవం కల దర్శకుడు వీవీ వినాయక్‌కు ఈ సినిమా దర్శక బాధ్యతలు అందించాలని అనుకున్నారట. ఇంతలో మరో దర్శకుడు మోహన్ రాజాకు ఓ చాన్స్ ఇచ్చారు. అయితే ఈ సినిమా ఇప్పుడప్పుడే మొదలు అయ్యేలా కనిపించడంలేదు. చిరుకు నచ్చిన స్క్రిప్ట్ రెడీ అవ్వడానికి సమయం పడుతుండటంతో చిరు తన షెడ్యూల్‌లో మరో సినిమాను ముందుకు తీసుకొచ్చారు. తెలుగు ప్రేక్షకులకు నచ్చేవిధంగా స్క్రిప్ట్‌ను సిద్దం చేయనున్నారని సమాచారం.
మెగాస్టార్ మూవీ మరింత ఆలస్యం.. కారణమిదే
