రాజకీయ వార్తలు

ఇండిగో, గోఎయిర్‌ సంచలన నిర్ణయం

విమానయాన ప్రయాణికులకు ఇండిగో, గోఎయిర్‌ సంస్థలు ఒకబ్యాడ్ న్యూస్ ను ప్రకటించాయి. ఇండిగో, గోఎయిర్‌ ఈ రెండు సంస్థలు కలిసి  ఈ నెలలో దాదాపు 600కి పైగా దేశీయ విమానాలను రద్దు చేస్తున్నట్టు తెలిసింది. డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌కు గురువారం ఎయిర్‌లైన్స్‌ సమర్పించిన షెడ్యూల్‌లో వివరాలు వెల్లదించాయి ఆ రెండు సంస్థలు. ఇండిగో, గోఎయిర్‌ ఈ రెండు సంస్థలు కలిసి రోజూ దాదాపు  1200 విమానాలను నడుపుతున్నాయి.
 
అయితే  ఇండిగో 488 విమానాలను రద్దు చేస్తున్నట్టు ప్రకటించగా.. గోఎయిర్‌ 138 విమానాలను రద్దు చేయబోతున్నట్టు తెలిసింది. రద్దు అయిన విమానాల జాబితాలను ఈ విమానయాన సంస్థలు తమ సంబంధిత వెబ్‌సైట్లలో పొందుపరిచినట్లు తెలిపాయి. 
 
ఈ రెండు విమానయాన సంస్థలు ముందుగా బుక్ చేసుకున్న ప్రయాణికులకు ప్రత్యామ్నాయ విమానాలను ఆఫర్‌ చేస్తుండటంతో పాటు, మొత్తం నగదును రీఫండ్‌ చేయనున్నట్టుగా ఆ సంస్థలు తెలిపాయి. 
 
 ఫ్రాట్‌, విట్నీ తయారు చేసిన ఇంజిన్లలో తలెత్తిన సమస్యల కారణంగా ఈ సంస్థలు తమ విమానాలను రద్దు చేసే నిర్ణయం తీసుకున్నట్లు ఆ సంస్థలు తెలిపాయి.  ఇప్పటి వరకు మార్చి 15 నుంచి 31 మధ్యలో ఇండిగో 488 విమానాలను క్యాన్సిల్‌ చేయగా.. గోఎయిర్‌ మార్చి 15 నుంచి 22 వరకు 138 విమానాలను రద్దు చేసింది.

Related posts

బీజేపీ కుట్రలను ప్రజలు గమనిస్తున్నారు: కేశినేని

madhu

ఎమ్మెల్యే ఇంట్లో నుంచి..ఏకే47 తో పోలీస్ పరారీ

madhu

తాజ్ ను ఎక్కువసేపు చూస్తే …!

admin

Leave a Comment