telugu navyamedia
ట్రెండింగ్ సినిమా వార్తలు

బూతులు తిడుతున్న తాప్సి డైరెక్టర్…

tappad

నటి తాప్సి ప్రధాన పాత్రలో నటించిన ‘థప్పడ్’ సినిమాకు అనుభవ్ సిన్హా దర్శకత్వం వహించారు. రెండు వారాల క్రితం సినిమా రిలీజ్ అయింది. ఇందులో తాప్సి గృహిణి పాత్రలో నటించారు. భర్త వర్క్ టెన్షన్‌లో పడి ఆవేశంలో భార్య చెంపపై కొడతాడు. దాంతో ఆమె విడాకులు కావాలని కోర్టు మెట్లు ఎక్కుతుంది. కేవలం ఒకే ఒక్క చెంప దెబ్బ వల్ల విడాకులు తీసుకోవాలని అనుకుంటున్న తాప్సి నిర్ణయానికి న్యాయస్థానం కూడా షాక్ అవుతుంది. ఆ తర్వాత ఏం జరిగింది అన్నదే కథ. ఇప్పటివరకు సినిమాకు మంచి రెస్పాన్స్ వచ్చింది. కానీ ఓ వెబ్‌సైట్ సినిమాకు వచ్చిన కలెక్షన్స్‌పై నోటికొచ్చిన హెడింగ్ పెట్టడంతో ఆయనకు ఒళ్లుమండిపోయింది. అయితే ఓ వెబ్ పోర్టల్ థప్పడ్ సినిమాకు వచ్చిన కలెక్షన్స్ గురించి రాస్తూ.. ‘ప్రేక్షకులు ‘థప్పడ్’ సినిమాకు చెంప పగిలాలా ఆన్సర్ ఇచ్చారు’ అని హెడింగ్ పెట్టింది. దాంతో అనుభవ్ సిన్హాకు కోపం కట్టులు తెంచుకుంది. తన సినిమాపై కామెంట్ చేసిన పోర్టల్‌ గురించి అనుభవ్ ట్వీట్ చేస్తూ.. ‘ఈ బాస్టర్డ్స్ సినిమాను వ్యభిచారంలా మార్చేస్తున్నారు. నా డబ్బు, నా సినిమా, నా లాభాలు, నా నష్టాలు. మధ్యలో మీరెవ్వర్రా? నేను మీకేమన్నా షేర్స్ ఇచ్చానా? లేక నా నుంచి మీరేమన్నా కొనుక్కున్నారా? ముందు సినిమా చూడండి. మీకు నచ్చిందా లేదా అన్నది మీ ఇష్టం. ఈ ల*** కొడుకులకు నాకంటే ముందే కలెక్షన్స్ వస్తాయనుకుంటా. నాకు సినిమా రిలీజ్ అయిన మూడు రోజు తర్వాత కలెక్షన్స్ వస్తాయి. అప్పటివరకు వచ్చే వార్తలన్నీ అవాస్తవాలే’ అని అగ్గిమీద గుగ్గిలం అయ్యారు.

అనుభవ్ బూతు ట్వీట్స్‌పై ప్రముఖ బాలీవుడ్ నటి కంగనా రనౌత్ సోదరి రంగోలీ చందేల్ స్పందించారు. నోరు అదుపులో పెట్టుకోండి సర్ అంటూ ట్వీట్స్ చేసారు. ‘ఇలాంటి చిన్న కాన్సెప్ట్‌ సినిమాలను తరచూ తీస్తూ ఉండాలి. మెయిన్‌స్ట్రీం సినిమాకు పోటీగా రావాలి. మానసిక అనారోగ్యం, డొమెస్టి్క్ వైలెన్స్, యాసిడ్ దాడులపై సినిమాలు తీస్తున్నందుకు సంతోషంగా ఉంది. ఈ సినిమాలపై వివాదాలు కూడా ఉంటాయి. సినిమా అంటేనే అదే కదా. డొమెస్టిక్ వైలెన్స్‌ను కాన్సెప్ట్‌గా తీసుకుని చక్కటి సినిమా తీసినందుకు అనుభవ్ సిన్హా సర్‌కు ధన్యవాదాలు. కానీ ఈ సినిమాలో ఓ మగాడి గొప్పతనం గురించే ఎక్కువగా చూపించినట్లుంది. ఈసారి క్లియర్ మెసేజ్‌తో మంచి సినిమా తీస్తారని ఆశిస్తున్నాను. ఆడవాళ్ల సమస్యలపై అనుభవ్ సినిమా తీసారు కానీ ఆడవాళ్లను తిడుతూ కామెంట్స్ చేస్తున్నారు. ఆయన చెప్పే నీతులు ఆయన కూడా పాటించే విధంగా ఉండాలి’ అని క్లాస్ పీకారు. ఆడవారిని ఉద్దేశించే విధంగా బూతులు ఉండటంతో చాలా మంది ఆయన్ను విమర్శించారు. దాంతో అనుభవ్ ట్విటర్ ద్వారా సారీ చెప్పారు. ‘అసభ్యకరమైన పదజాలం వాడినందుకు సారీ లేడీస్. సినిమా గురించి నోటికొచ్చినట్లు మాట్లాడుతుంటే నేను చూసి తట్టుకోలేకపోయాను. మహిళలకు, పెద్దలకు, పిల్లలకు కూడా సారీ చెప్తున్నాను’ అని తెలిపారు. ‘థప్పడ్’ సినిమాలో తాప్సితో పాటు దియా మీర్జా, రామ్ కపూర్, మానవ్ కౌల్, రత్నా పతక్ షా తదితరులు నటించారు. సినిమాకు చాలా మంది రెస్పాన్స్ వచ్చింది.

Related posts