ఇటీవల మెగా బ్రదర్ నాగబాబు తనకు బాలకృష్ణ అంటే ఎవరో తెలియదని చేసిన కామెంట్ టాలీవుడ్ లో సంచలనం సృష్టించింది. నాగబాబు, బాలయ్యను టార్గెట్ చేసి విమర్శనాస్త్రాలు సంధిస్తూనే ఉన్నారు. ఆ తరువాత బాలకృష్ణ చేసిన వ్యాఖ్యలకు కౌంటర్ గా వరుసగా వీడియోలు విడుదల చేస్తున్నారు. ఇప్పటి వరకు అలా 5 వీడియోలను విడుదల చేసి బాలకృష్ణకు కౌంటర్ ఇచ్చారు నాగబాబు. చివరగా మరో వీడియోను విడుదల చేసి ఈ వివాదాన్ని ఆపేస్తానని స్పష్టం చేశారు. తాజాగా నాగబాబు వ్యాఖ్యలపై చంద్రబాబు స్పందించారు.
“ఎన్టీఆర్” బయోపిక్ విడుదల నేపధ్యంలో తిరుపతికి వెళ్లి శ్రీవారిని దర్శించుకున్న అనంతరం బాలయ్య మీడియాతో మాట్లాడారు. రెండు తెలుగు రాష్ట్రాల్లో 100కి పైగా థియేటర్లలో ఎన్టీఆర్ విగ్రహాలు పెడుతున్నామని, ఈ బయోపిక్ తో తండ్రి ఋణం తీర్చుకున్నానని చెప్పుకొచ్చారు. ఈ సందర్భంగా ఓ విలేఖరి నాగబాబు కౌంటర్ విషయాన్ని ప్రస్తావించగా “నో కామెంట్” అంటూ బదులిచ్చాడు బాలయ్య.