కార్లు కొనాలకునే వారికి గుడ్ న్యూస్… టాటా మోటార్స్ అదిరే ఆఫర్

ప్రముఖ దేశీ వాహన తయారీ కంపెనీ టాటా మోటార్స్ తాజాగా వినూత్నమైన ఫైనాన్స్ స్కీమ్‌ను అందుబాటులోకి తీసుకువచ్చింది. అంతేకాకుండా కారు కొనుగోలుపై తగ్గింపు ప్రయోజనాలు కూడా అందిస్తోంది. టాటా మోటార్స్ కొత్త ఫైనాన్స్ స్కీమ్‌లో భాగంగా సులభంగానే రుణాలు అందిస్తోంది. కోవిడ్ 19 వారియర్స్‌ను ప్రత్యేక ఆఫర్లు అందిస్తోంది. టాటా టియాగోపై స్పెషల్ ఆఫర్ అందుబాటులో ఉంచింది. కస్టమర్లు ఈ కారును కేవలం రూ.5,000 నెలవారీ ఈఎంఐతో ఇంటికి తీసుకెళ్లొచ్చు. కంపెనీ ఐదేళ్ల కాల పరిమితితో రూ.5 లక్షల వరకు రుణాన్ని అందిస్తోంది. కారు ఈఎంఐ మొత్తం మొదటిలో తక్కువగా ఉన్నా తర్వాత పెరుగుతూ వస్తాయి. ఒకవేళ ఇలా వద్దనుకుంటే.. రూ.90 వేల మొత్తాన్ని కస్టమర్లు చివరిలో ఒకేసారి చెల్లించొచ్చు. లేదంటే ఈ మొత్తాన్ని రీఫైనాన్స్ చేసుకోవచ్చు. అంతేకాకుండా కస్టమర్లకు మరో అదిరిపోయే ఆప్షన్ కూడా అందుబాటులో ఉంది. కారు ట్రబుల్ ఇస్తే దాన్ని ఫైనాన్స్ పార్ట్‌నర్‌కు తిరిగి వెనక్కి ఇవ్వొచ్చు. కంపెనీ ఇంకా 8 ఏళ్ల కాల పరిమితితో కూడా రుణాలు అందిస్తోంది. ఏ కారు కొనుగోలుకు అయినాసరే 100 శాతం ఫండింగ్ లభిస్తోంది. హెల్త్ ప్రొఫెషనల్స్, పోలీస్ అధికారులు ప్రత్యేక తగ్గింపు ప్రయోజనాలు ఉన్నాయి. టాటా టియాగో, టాటా టిగోర్, హరియర్, ఎక్స్‌యూవీ కార్లపై రూ.45,000 వరకు బెనిఫిట్ పొందొచ్చు. కాగా టాటా మోటార్స్ దేశవ్యాప్తంగా కార్యకలాపాలను తిరిగి ప్రారంభించింది.