కోలీవుడ్ నటుడు విశాల్ పై సీనియర్ నటుడు అరుణ్ పాండియన్ చేసిన వ్యాఖ్యలు ఇప్పుడు కోలీవుడ్ లో హాట్ టాపిక్ గా మారాయి. శక్తి శివన్ హీరోగా, దర్శకుడిగా రూపొందిస్తోన్న చిత్రం “దౌలత్”. ఎంబీ మహ్మద్ అలీ నిర్మాణంలో ఈ సినిమా నిర్మితమవుతోంది. తాజాగా ఈ సినిమా ఆడియో విడుదల కార్యక్రమం జరిగింది. ఈ కార్యక్రమానికి నిర్మాత, నటుడు అరుణ్ పాండియన్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ” పెద్ద హీరోలు నటించిన చిత్రాలపై మాత్రమే ప్రేక్షకుల దృష్టి పడే పరిస్థితి ఏర్పడుతోంది. మంచి కథ, నాణ్యతతో వస్తోన్న చిన్న సినిమాలు ప్రేక్షకుల మెప్పు పొందకుండా థియేటర్ల నుండి వెళ్లిపోతున్నాయి” అన్నారు. ఆ తరువాత విశాల్ గురించి మాట్లాడుతూ “విశాల్ నిజస్వరూపం ఇప్పుడే అర్ధమైంది. ఎందుకంటే ఆయన నటించిన ‘అయోగ్య’ సినిమా నిర్మాత నా మిత్రుడు. అతనికి ఎన్ని సమస్యలు ఎదురయ్యాయో నాకు తెలుసు. ముందు మనం నిజాయితీగా ఉండాలి. ఆ తర్వాతే పదవులలోకి రావాలి. నిర్మాతను దక్కించుకోవడం ముఖ్యం కాదు.. నిర్మాతను కాపాడుకోవడమే ముఖ్యం” అంటూ చెప్పుకొచ్చారు.
విశాల్ నిజ స్వరూపం తెలిసింది… సీనియర్ హీరో ఫైర్
ఆ స్టార్ హీరో సెట్లోనే నాతో చాలా దారుణంగా వ్యవహరించారు : హీరోయిన్