‘అర్జున్ రెడ్డి’ చిత్రం ఫేమ్ దర్శకుడు సందీప్ రెడ్డి వంగా అదే సినిమాను హిందీలో రీమేక్ చేసి అక్కడ కూడా ఘనవిజయం దక్కించుకున్నారు. ఇటీవలే విడుదలైన ఈ సినిమా భారీ వసూళ్లతో దూసుకుపోతోంది. ఇప్పుడు అక్కడి నిర్మాతలంతా సందీప్ రెడ్డి వంగా గురించే చర్చించుకుంటున్నారు. ఆయన తో చిత్రాలను తీయాలని ఉత్సాహం చూపుతున్నారట.
బాలీవుడ్ లోనే బడా నిర్మాతలు సందీప్ తో సినిమా చేయడానికి ఆసక్తిని చూపుతున్నారట.. టి – సిరీస్ వారు ఆయనతో ఓ భారీ సినిమా చేయడానికి రంగంలోకి దిగినట్టుగా వార్తలు వినిపిస్తున్నాయి. ఆ సినిమాలో సల్మాన్ ఖాన్ కథానాయకుడిగా చేయనున్నాడని కూడా అంటున్నారు. ప్రస్తుతం కథా చర్చలు జరుగుతున్నాయని చెబుతున్నారు. ఈ ప్రాజెక్టు పట్టాలెక్కితే, దర్శకుడిగా సందీప్ రెడ్డి వంగా మరో స్థాయికి వెళ్ళినట్టే!!