“వెంకీ మామ” టీజర్ వచ్చేసింది… నాగ చైతన్య పుట్టినరోజు గిఫ్ట్

అక్కినేని నాగ చైత‌న్య మంచి కథలను ఎంచుకుంటూ వరుసగా హిట్ సినిమాలతో ముందుకు వెళ్తున్నారు. ప్ర‌స్తుతం త‌న మామ వెంక‌టేష్‌తో క‌లిసి “వెంకీమామ” చేస్తున్నాడు. కె.ఎస్‌.ర‌వీంద్ర ద‌ర్శ‌కుడు. పీపుల్ మీడియా ఫ్యాక్ట‌రీ, సురేష్ ప్రొడ‌క్ష‌న్స్ బ్యాన‌ర్‌పై డి.సురేష్‌బాబు, టీజీ విశ్వ‌ప్ర‌సాద్ ఈ చిత్రాన్ని నిర్మిస్తున్నారు. వెంకీ స‌ర‌స‌న పాయ‌ల్ రాజ్‌పుత్‌, నాగ‌చైత‌న్య స‌ర‌స‌న రాశీఖ‌న్నా హీరోయిన్స్‌గా న‌టిస్తున్నారు.ఈ సినిమా త్వరలోనే ప్రేక్షకుల ముందుకు రానుంది. తాజాగా నాగ చైతన్య పుట్టినరోజున ఈ చిత్రబృందం నాగ చైతన్యకు సంబంధించిన టీజర్ ను విడుదల చేసింది. ఈ టీజర్ లో కార్తీక్ శివరామ్ వీరమాచినేని అనే పేరుతో మిలిటరీ ఆఫీసర్ గా కనిపిస్తున్నాడు. కాగా నాగచైతన్య ప్రస్తుతం శేఖర్ కమ్ముల దర్శకత్వంలో ఓ సినిమా చేస్తున్నాడు. ఈ చిత్రానికి “లవ్ స్టోరీ” అనే టైటిల్ వినిపిస్తుండగా… ఇందులో చైతూకు జోడిగా సాయి పల్లవి నటిస్తోంది. ఈ చిత్రం ఫస్ట్ లుక్ ను ఈరోజు చైతన్య పుట్టినరోజు సందర్భంగా విడుదల చేసిన విషయం తెలిసిందే. తాజాగా “వెంకీ మామ” నుంచి టీజర్ విడుదలైంది. మీరు కూడా ఈ టీజర్ ను వీక్షించండి.