టాలీవుడ్ స్టార్ హీరో, స్టైలిష్ స్టార్ అల్లు అర్జున్ ఏం చేసినా స్టైల్ గానే ఉంటుంది. ప్రస్తుతం ఫిలిం నగర్ మొత్తం ఆయన కొత్త క్యారవాన్ గురించే టాక్. కొంతకాలం క్రితం టాలీవుడ్ సూపర్ స్టార్ మహేష్ బాబు 3 నుంచి 4 కోట్లు వెచ్చించి ఖరీదైన క్యారవాన్ ను కొనుగోలు చేశారు. ఇప్పుడు అల్లు అర్జున్ అంతకన్నా సౌకర్యవంతమైన, విలాసవంతమైన, సౌకర్యవంతమైన క్యారవాన్ ను కొనుగోలు చేస్తున్నారు. 3 కోట్లు పెట్టి క్యారవాన్ ను కొన్న ఈ హీరో మరో 4 కోట్లతో దానిని అన్ని రకాల హంగులతో విలాసవంతంగా తయారు చేయించుకుంటున్నాడట. ప్రస్తుతం ముంబైలో తయారవుతున్న ఈ క్యారవాన్ త్వరలోనే హైదరాబాద్ కు రానుందట. ప్రస్తుతం త్రివిక్రమ్ తో సెట్స్ పైకి వెళ్ళడానికి సిద్ధమవుతున్నాడు అల్లు అర్జున్. ఇప్పటికే ఈ సినిమా కోసం బరువు తగ్గాడు కూడా. ఇక సుకుమార్ దర్శకత్వంలో కూడా సినిమాను ఫైనల్ చేసే పనిలో ఉన్నాడు అల్లు అర్జున్.
బన్నీ క్యారవాన్ విలువ 7 కోట్లు
