వచ్చే నెలలో అఖిల్ కొత్త సినిమా…

సినీ పరిశ్రమలోకి ఎంట్రీ ఇచ్చి ఐదు సంవత్సరాలు పూర్తయిన ఇప్పటివరకు సరైన హిట్ లేదు అక్కినేని వారసుడు అఖిల్ కి. అయితే ఇటీవల అఖిల్ మోస్ట్ ఎలిజిబుల్ బ్యాచిలర్‌ సినిమాను చేశాడు. ఈ సినిమా వేసవిలో విడుదల కానుంది. ఇందులో పూజ హెగ్దె అఖిల్ సరసన నటించింది. అయితే ఈ సినిమా చిత్రీకరణలో ఉండగానే అఖిల్ తన తదుపరి ప్రాజెక్ట్ ఓకే చేశాడు. దర్శకుడు సురేందర్ రెడ్డితో తన తదుపరి చిత్రం చేసేందుకు అఖిల్ గ్రీన్ సిగ్నల్ ఇచ్చాడు. ప్రస్తుతం ఈ సినిమా కోసం అఖిల్ శరీర ధారుడ్యం పెంచుకునే పనిలో ఉన్నాడు. ఎందుకుంటే ఈ చిత్రంలో అఖిల్ కండలు తిరిగి కనిపించాలి. అంతేకాకుండా ఈ చిత్రం షూటింగ్ విదేశాలలో కూడా జరగనుంది. దానికి కారణం ఇందులో అఖిల్ ఓ స్పై ఆఫీసర్‌గా కనిపించనున్నాడు. ఈ సినిమా షూటింగ్‌ను హైదరాబాద్‌లో పూజాకార్యక్రమాలతో మొదలు చేసేందుకు మేకర్స్ ఆలోచిస్తున్నారు. ఇక రెగ్యులర్ షూటింగ్ విషయానికొస్తే వచ్చే నెలలో ప్రారంభం కానుంది. అయితే ఈ సినిమా ఇప్పటి వరకు అఖిల్ చేసిన సినిమాల్లోకన్నా భారీ బడ్జెట్‌గా తెరకెక్కనుంది. దీని షూటింగ్‌‌లో మొదటి షెడ్యూల్ నుంచే అఖిల్ పాల్గొననున్నాడు. అయితే ఇందులో హీరోయిన్‌గా కన్నడ బ్యూటీ రష్మకతో చర్చలు జరిపినట్లు సమాచారం. ఈ విషయంలో ఇప్పటి వరకు ఎటువంటి ప్రకటనైతే రాలేదు. చుడాలిమరి ఈ సినిమా ఎప్పుడు విడుదల అవుతుంది అనేది.