తమిళ స్టార్ హీరో అజిత్ ప్రస్తుతం బోని క‌పూర్‌ నిర్మాణంలో “పింక్” రీమేక్ గా తెరకెక్కుతున్న “నెర్కొండ పార్వాయి” అనే చిత్రంలో నటిస్తున్నాడు. హెచ్ వినోథ్ ఈ చిత్రానికి దర్శకత్వం వహిస్తుండగా, శ్ర‌ద్ధా శ్రీనాథ్‌, అభిరామి వెంక‌టచ‌లం, ఆండ్రియా తరియంగ్‌లు ఈ సినిమాలో కీలక పాత్ర‌లలో క‌నిపించనున్నారు. తాజాగా ఈ చిత్ర ట్రైలర్ విడుదల చేశారు చిత్రబృందం. ఈ ట్రైలర్ లో లాయ‌ర్ పాత్ర‌లో అజిత్ ఆకట్టుకుంటున్నాడు. వ్యభిచార గృహాల్లో చిక్కుకున్న ముగ్గురు యువతులను రక్షించే న్యాయవాది ఇతివృత్తంగా తమిళ నేటివిటీకి అనుగుణంగా ఈ చిత్రాన్ని తెర‌కెక్కించారు. “నెర్కొండ పార్వాయి” చిత్రంలో అజిత్ భార్య‌గా విద్యా బాల‌న్ న‌టిస్తుంది. విద్యాబాలన్ కు తమిళంలో ఇదే మొదటి చిత్రం కావడం విశేషం. గిబ్రాన్‌ చిత్రానికి సంగీతం సమకూర్చుతున్నారు. నీరవ్‌షా సినిమాటోగ్రాఫర్‌గా వ్యవహరించారు . అధిక్‌ రవిచంద్రన్‌, అర్జున్‌ చిదంబరం, అశ్విన్‌ రావు, సుజిత్‌ శంకర్‌ ముఖ్య పాత్ర‌లు పోషించారు. ఈ ట్రైలర్ పై మీరు కూడా ఓ లుక్కేయండి మరి.
అజిత్ “నెర్కొండ పార్వాయి” ట్రైలర్
