మూడేళ్ల క్రితం జియో మార్కెట్లోకి అడుగుపెట్టడమే సంచలనాత్మక ప్లాన్లతో అడుగుపెట్టింది. ఎందుకంటే అంతవరకు నెలకు ఒక జీబీకి రూ.250 వరకు కట్టాల్సిన పరిస్థితిలో జియో రూ.400 లోపే మూడు నెలల పాటు 1.5 నుంచి 2 జీబీ డేటాను అందించేది. ఒక్కసారి అలా రీచార్జ్ చేసుకుంటే చాలు కేవలం డేటా మాత్రమే కాకుండా కాల్స్, మెసేజ్ లు కూడా ఉచితమే. అదే జియోకు గొప్ప వరమైంది. కానీ అప్పుడు వరం అనుకున్నదే ఇప్పుడు శాపంగా మారింది. గత నెలలో తన నెట్ వర్క్ నుంచి ఇతర నెట్ వర్క్ లకు చేసే కాల్స్ కు చార్జీలు విధిస్తున్నట్లు జియో ప్రకటించింది. జియో అంతవరకు పెంచుకున్న ఇమేజ్ ఒక్కసారిగా డ్యామేజ్ అయిపోయింది. వినియోగదారుల నుంచి, సోషల్ మీడియా నుంచి, ప్రత్యర్థి కంపెనీలు అన్ని వైపుల నుంచి విమర్శలు ఎదురయ్యాయి. ఈ పరిస్థితినే ఎయిర్ టెల్ తనకు అనుకూలంగా మలుచుకుంది. మూడేళ్లుగా జియో వెనకే పరిగెడుతూ వస్తున్న ఎయిర్ టెల్ కు మొదటిసారి దాన్ని దాటే అవకాశం లభించింది. జియో ఐయూసీ రీచార్జ్ తో అందించిన ప్లాన్లనూ తలదన్నే లేదా సరిపోలే ఎయిర్ టెల్ ప్లాన్లు ఇవే!
జియో రూ.149 ఆల్ ఇన్ వన్ Vs ఎయిర్ టెల్
జియో రూ.149 ఆల్ ఇన్ వన్ ప్లాన్ కు పోటీగా ఎయిర్ టెల్ రూ.169 ప్లాన్ అందుబాటులో ఉంది. రూ.149 ప్లాన్ ద్వారా జియో 24 రోజుల పాటు రోజుకు 1.5 జీబీ డేటాను అందించనుండగా ఎయిర్ టెల్ రూ.169 ప్లాన్ ద్వారా 28 రోజుల పాటు రోజుకు 1 జీబీ డేటాను అందించనుంది. జియో ప్లాన్ కంటే దీని ధర రూ.20 అధికమైనప్పటికీ ఎయిర్ టెల్ అందించే ప్లాన్ లో అపరిమిత ఉచిత కాల్స్ లభిస్తాయి. జియో రూ.149 ప్లాన్ ద్వారా ఇతర్ నెట్ వర్క్ లకు కాల్స్ చేసుకోవడానికి 300 ఉచిత ఐయూసీ నిమిషాలను అందిస్తున్నారు. ఈ ప్లాన్ విషయంలో వ్యాలిడిటీ, కాల్స్ పరంగా ఎయిర్ టెల్ ముందంజలో ఉండగా.. కేవలం డేటా పరంగా మాత్రమే జియో ముందుంది.
జియో రూ.222 ఆల్ ఇన్ వన్ Vs ఎయిర్ టెల్
జియో రూ.222 ఆల్ ఇన్ వన్ ప్లాన్ కు పోటీగా ఎయిర్ టెల్ రూ.249 ప్లాన్ అందుబాటులో ఉంది. రూ.222 ప్లాన్ ద్వారా జియో 28 రోజుల పాటు రోజుకు 2 జీబీ డేటాను అందించనుండగా ఎయిర్ టెల్ రూ.249 ప్లాన్ ద్వారా 28 రోజుల పాటు రోజుకు 2 జీబీ డేటాను అందించనుంది. జియో ప్లాన్ కంటే దీని ధర రూ.27 అధికమైనప్పటికీ ఎయిర్ టెల్ ప్లాన్ లో అపరిమిత ఉచిత కాల్స్ లభిస్తాయి. జియో రూ.222 ప్లాన్ ద్వారా ఇతర్ నెట్ వర్క్ లకు కాల్స్ చేసుకోవడానికి 1,000 ఉచిత ఐయూసీ నిమిషాలను అందిస్తున్నారు. అయితే ఎయిర్ టెల్ అదనపు ప్రయోజనాల రూపంలో హెచ్ డీఎఫ్ సీ లైఫ్ ద్వారా రూ.4 లక్షల ఇన్సూరెన్స్ కవర్ ను అందిస్తుంది.
జియో రూ.333 ఆల్ ఇన్ వన్ Vs ఎయిర్ టెల్
జియో రూ.333 ఆల్ ఇన్ వన్ ప్లాన్ కు పోటీ ఇచ్చేందుకు ఎయిర్ టెల్ రూ.349 ప్రీపెయిడ్ ప్లాన్ అందుబాటులో ఉంది. జియో రూ.333 ప్లాన్ ద్వారా రోజుకు 2 జీబీ డేటాను అందిస్తుంది. అయితే ఎయిర్ టెల్ తన రూ.349 ప్లాన్ ద్వారా రోజుకు 3 జీబీ డేటాను అందించనుంది. అయితే ఎయిర్ టెల్ ప్లాన్ వ్యాలిడిటీ కేవలం 28 రోజులు మాత్రమే కాగా జియో ప్లాన్ వ్యాలిడిటీ 56 రోజులుగా ఉంది. అయితే ఎయిర్ టెల్ ప్లాన్ ద్వారా ఉచితంగా అపరిమిత కాల్స్ చేసుకోవచ్చు. జియో ప్లాన్ ద్వారా జియో నుంచి జియోకు మాత్రమే ఉచిత కాల్స్ చేసుకోవచ్చు. ఇతర నెట్ వర్క్ లకు కాల్ చేసుకోవాలంటే 1,000 ఉచిత ఐయూసీ నిమిషాలను అందించనున్నారు.
జియో రూ.444 ఆల్ ఇన్ వన్ Vs ఎయిర్ టెల్
జియో రూ.444 ఆల్ ఇన్ వన్ ప్లాన్ కు పోటీగా ఎయిర్ టెల్ రూ.448 ప్లాన్ అందుబాటులో ఉంది. రూ.444 ప్లాన్ ద్వారా జియో 84 రోజుల పాటు రోజుకు 2 జీబీ డేటాను అందించనుండగా ఎయిర్ టెల్ కూడా తన రూ.448 ప్లాన్ ద్వారా 84 రోజుల పాటు రోజుకు 2 జీబీ డేటాను అందించనుంది. ఇతర నెట్ వర్క్ లకు కాల్ చేసుకోవడానికి జియో 1,000 ఐయూసీ నిమిషాలను అందించనుండగా, ఎయిర్ టెల్ ప్లాన్ లో అపరిమిత ఉచిత కాల్స్ లభిస్తాయి. ఈ ప్లాన్ విషయంలో అపరిమిత కాల్స్ ద్వారా ఎయిర్ టెల్ ముందంజలో ఉంది.
జియో రూ.555 ఆల్ ఇన్ వన్ Vs ఎయిర్ టెల్
జియో రూ.555 ఆల్ ఇన్ వన్ ప్లాన్ కు పోటీ ఇచ్చేందుకు ఎయిర్ టెల్ రూ.499 ప్రీపెయిడ్ ప్లాన్ అందుబాటులో ఉంది. జియో రూ.555 ప్లాన్ ద్వారా 84 రోజుల పాటు రోజుకు 2 జీబీ డేటాను అందిస్తుంది. అయితే ఎయిర్ టెల్ తన రూ.499 ప్లాన్ ద్వారా 82 రోజుల పాటు రోజుకు 2 జీబీ డేటాను అందించనుంది. అయితే ఎయిర్ టెల్ ప్లాన్ ద్వారా ఉచితంగా అపరిమిత కాల్స్ చేసుకోవచ్చు. జియో ప్లాన్ ద్వారా జియో నుంచి జియోకు మాత్రమే ఉచిత కాల్స్ చేసుకోవచ్చు. ఇతర నెట్ వర్క్ లకు కాల్ చేసుకోవాలంటే 3,000 ఉచిత ఐయూసీ నిమిషాలను అందించనున్నారు.
అమరావతిని అభివృద్ధి చేయాలని ఆకాంక్షించా: చంద్రబాబు