telugu navyamedia
ట్రెండింగ్ సినిమా వార్తలు

తాగుడుకు బానిసై అనారోగ్యం పాలైన హీరోయిన్…!

Shruthi-Hassan

తెలుగు, తమిళ, హిందీ భాషల్లో వరుసగా సినిమాలు చేస్తూ స్టార్ హీరోయిన్ రేంజ్ కు దూసుకెళ్లింది శృతి హాసన్. ఆ తరువాత రెండేళ్లు ప్రేమ కారణంగా సినిమాలకు దూరంగా ఉంది. అయితే ఇటీవలే ఆమె లవ్ బ్రేకప్ కావడంతో మళ్ళీ సినిమాలపై దృష్టి సారించింది ఈ ముద్దుగుమ్మ. కెరీర్ పీక్‌లో ఉన్న దశలోనే లండన్‌కు చెందిన గాయకుడు మైకేల్ కోర్సలేతో ప్రేమలో పడింది. ఆ క్రమంలో కెరీర్‌ను కూడా నిర్లక్ష్యం చేసింది. అయితే మైకేల్‌తో ఆమె ప్రేమ ఎంతో కాలం కొనసాగలేదు. మైకేల్‌తో ప్రేమకు బ్రేకప్ చెప్పేసి మళ్లీ కెరీర్‌పై శృతి దృష్టి పెట్టింది. అయితే మైకేల్‌తో విడిపోవడానికి గల కారణాన్ని ఇప్పటివరకు ఎక్కడా వెల్లడించలేదు. ఇటీవలే బ్రేకప్ వార్తలు నిజమేనని నిర్ధారించింది ఈ బ్యూటీ. కాగా మంచు లక్ష్మి హోస్ట్ చేస్తున్న ‘ఫీట్ అప్ విత్ ది స్టార్స్’ షోలో శృతి హాసన్ ఆసక్తికర విషయాలను వెల్లడించారు. ఈ నేపథ్యంలో మంచు లక్ష్మి శ్రుతికి ఉన్న షాకింగ్ అలవాటు గురించి బయటపెట్టారు. “నీకు విస్కీ అంటే చాలా ఇష్టమని నాకు తెలుసు. మనం తొలిసారి కలిసినప్పుడు ఓ రెస్టారెంట్‌కి వెళ్లాం. అక్కడ నువ్వు విస్కీ ఆర్డర్ చేసుకున్నావ్. ఇప్పుడు అన్నీ మానేసినట్లున్నావ్. ఎందుకో తెలుసుకోవచ్చా?” అని ప్రశ్నించారు. ఇందుకు శ్రుతి స్పందిస్తూ.. “అవును. నాకు విస్కీ అంటే పిచ్చి. కానీ తాగుడుకు కాస్త బ్రేకిచ్చా. ఇది నాలో వచ్చిన కొత్త మార్పు. తాగడం వల్ల అనారోగ్యానికి గురయ్యాను. కానీ ఈ విషయం గురించి నేను ఎవ్వరికీ చెప్పలేదు. ఎందుకంటే అది నా పర్సనల్ విషయం. అందుకే నా అనారోగ్యం గురించి ఎవ్వరికీ చెప్పకూడదని అనుకున్నాను. ఆ తర్వాత ట్రీట్‌మెంట్ తీసుకున్నాను” అన్నారు.

అనంతరం మంచు లక్ష్మి.. శ్రుతిని బ్రేకప్ గురించి అడిగారు. దీనిపై శ్రుతి మాట్లాడుతూ.. ‘ఏం జరిగినా కూడా అది నా మంచికే అనుకుంటున్నాను. ఇది నాకు మంచి అనుభవాన్నిచ్చింది. నేను చాలా సెంటిమెంటల్. దాంతో నాపై ఆధిపత్యం చలాయించాలని అనుకుంటారు. అది నేను భరించలేను. నా జీవితంలో గొప్ప ప్రేమికుడు దొరికినప్పుడు తప్పకుండా అతని గురించి ప్రకటిస్తాను’ అన్నారు. ఎటూ ప్రేమ, పెళ్లి గురించి ప్రస్తావన వచ్చింది కాబట్టి లక్ష్మి శ్రుతిని మరో ప్రశ్న అడిగారు. ‘రామ్ చరణ్, అల్లు అర్జున్, పవన్ కళ్యాణ్‌లలో ఎవర్ని పెళ్లి చేసుకోవడానికి ఇష్టపడతారు’ అని ప్రశ్నించారు. ఇందుక శ్రుతి తనదైన శైలిలో స్పందించారు. ‘వీరు ముగ్గురికీ పెళ్లై పోయింది. ఇక నేనెవర్ని పెళ్లి చేసుకోవాలి’ అన్నారు. సినిమాల నుంచి శ్రుతి చాలా కాలం పాటు గ్యాప్ తీసుకున్నారు. దీని గురించి స్పందిస్తూ.. ‘నా సినిమాల గురించి ఎవరేమనుకున్నా నాకు అనవసరం. చాలా కాలంగా ఒకే రకమైన పాత్రల్లో నటిస్తున్నందుకు బోర్ కొట్టి ఏడాది పాటు సినిమాల నుంచి బ్రేక్ తీసుకున్నా. నేను ఆరోగ్యంగా ఉన్నా. అన్ని విషయాలపై ఆలోచించగలను. బయటి ప్రపంచంలో జరుగుతున్న ప్రతీ అంశంతో నేను డీల్ చేయగలనన్న నమ్మకం నాకుంది’ అని వెల్లడించారు.

Related posts