సౌందర్య అంటే నాకు ఎంతో ఇష్టమని నటి ఆమని అన్నారు. ఓ ఇంటర్వ్యూలో ఆమని మాట్లాడుతూ సౌందర్యను గురించి ప్రస్తావించారు. “నేను .. సౌందర్య ఇద్దరం బెంగుళూరులోనే ఉండేవాళ్లం. ఇద్దరం కలిసి కొన్ని సినిమాల్లో నటించాము. మా అలవాట్లు .. అభిప్రాయాలు .. అభిరుచులు చాలా దగ్గరగా ఉండేవి. అందువలన మేము చాలా తొందరగా కలిసిపోయాము.
ఒకసారి ఒక సినిమా షూటింగులో నేను .. సౌందర్య ఇద్దరం వున్నాము. సౌందర్యతో పాటు వాళ్ల నాన్నగారు కూడా వచ్చారు. సౌందర్య సోదరుడైన ‘అమర్’ను పెళ్లి చేసుకోమని అడిగారు. ఆయన ఒక్కసారిగా అలా అడగడంతో నేను షాక్ అయ్యాను. ఆ తరువాత అమర్ లవ్ మేరేజ్ చేసుకున్నాడు. ఆయన కూడా నాతో చాలా స్నేహంగా ఉండేవాడు. సౌందర్య .. అమర్ వంటి మంచి స్నేహితులను కోల్పోవడం నిజంగా దురదృష్టమని చెప్పుకొచ్చారు.