కొరటాల శివ దర్శకత్వం వహిస్తున్న ‘ఆచార్య’ సినిమా చిరంజీవికి ప్రతిష్టాత్మకంగా మారింది. కాజల్ అగర్వాల్ మరోసారి చిరుతో ఈ సినిమాలో జతకట్టింది. మణిశర్మ సంగీతం అందిస్తున్న ఈ హై వోల్టేజ్ యాక్షన్ ఎంటర్టైనర్ చిరంజీవి అభిమానులను ఉర్రూతలూగిస్తోంది. పైగా రాంచరణ్ కూడా ఇందులో నటిస్తుండటంతో అంచనాలు భారీగా ఉన్నాయి. ఈ సినిమా కోసం హైదరాబాద్ శివార్లలో 25 కోట్ల విలువైన భారీ సెట్ నిర్మించారు. సినిమాలో ఎక్కువ భాగం అక్కడే పూర్తవుతుంది. ఈ సినిమాను నిరంజన్ రెడ్డి, రామ్ చరణ్ నిర్మిస్తున్నారు. అయితే నిన్న ‘ఆచార్య’ టీజర్ రిలీజ్ చేసిన అతి కొద్ది గంటల్లోనే రికార్డుల మోత మోగింది. ప్రస్తుతం ఈ టీజర్ యూట్యూబ్‌లో ట్రెండింగ్ నెంబర్ వన్ లో ఉంది. ఇప్పటికే ఆరు మిలియన్ల వ్యూస్‌ను ఆచార్య టీజర్ కొల్లగొట్టింది. దాంతో పాటే 500k లైకులు సంపాదించుకుంది. అనుకున్నట్లుగా ప్రేక్షకుల అంచనాలకు ఏ మాత్రం తగ్గకుండా టీజర్ అదిరిపోయింది. రాంచరణ్ వాయిస్ తో ప్రారంభమైన టీజర్.. చిరు యాక్షన్ సీన్స్ వరకు సాగిన తీరు ప్రేక్షకులను ఆకట్టుకుంది. మణిశర్మ సంగీతం బాగుంది. ఏది ఏమైనా చిరు స్టామినాకు నిదర్శనంగా ఆచార్య టీజర్ నిలిచింది.
ట్రెండింగ్ నెంబర్ వన్ లో ఆచార్య టీజర్…
